اشىق ءارى ءادىل الەۋمەتتىك ساتى

مەن قاراپايىم تەمىرجولشىلار وتبا­سىندا تۋىپ-ءوستىم. اقتوبە قالا­سىن­داعى №32 قازاق مەكتەپ-گيمنازيا­سىن «التىن بەلگىمەن» بىتىرگەن سوڭ ل.ن.گۋميلەۆ اتىنداعى ەۋرازيا ۇلت­تىق ۋنيۆەرسيتەتىنىڭ حالىقارالىق قاتى­ناستار فاكۋلتەتىنە قۇجاتىمدى تاپسىردىم. ەلدەستىرمەك ەلشىدەن دەگەندەي – ەلشى بولۋ و باستاعى ارمانىم, جۇرە­گىمنىڭ قالاۋى بولاتىن. وتاندىق ەلي­تارلىق جوعارى وقۋ ورنىن مەملەكەتتىك گرانتپەن وقىپ, العا قويعان ماقساتىما قول جەتكىزۋدىڭ العاش­قى الىپپەسىن اشتىم دەي الامىن.

 مەن تاڭداعان ماماندىعىمدى يگەرە ءجۇرىپ اقش, تۇركيا جانە قىتاي سەكىلدى ىرگەلى مەملەكەتتەردە ءتيىستى تاجى­ريبە مەن تاعىلىمدامادان وتكەن ەدىم. سونىڭ ىشىندە قىتاي ەلىندە ءبىلىمىمدى ودان ءارى جالعاستىرىپ ماگيستراتۋرادا وقىدىم. ونى دا ۇزدىك اياقتادىم. سول كەزدە قىتايلىق كوم­پانيانىڭ بىرىنەن قىز­مەتكە شاقىرعان ۇسىنىس ءتۇستى. الاي­دا وعان بارۋدان بىردەن باس تارتىپ, ءوز وتانىما ورالدىم.

  كوپ كەشىكپەي تۋعان جەر توسىندەگى «ساعىز پەتروليۋم» كومپانياسىنا قىزمەتكە ورنالاستىم. وسى جىلداردىڭ ىشىندە انا تىلىنە قوسا, ورىس, قىتاي, اعىل­شىن جانە تۇرىك تىلدەرىن ەمىن-ەركىن يگەرە العانىم قىزمەتىمە ءارى شەتەل­دىك ارىپتەستەرمەن قارىم-قاتىناس ورناتۋعا ءوز پايداسىن تيگىزدى. مۇنىڭ ءبارى بىرىنشىدەن, قازاقستاننىڭ تۇڭ­عىش پرەزيدەنتى ن.ءا.نازارباەۆتىڭ قازاق­ستاندىق جاستارعا جان-جاقتى ءبىلىم الۋىنا تۋعىزعان قامقورلىعى دەپ با­عالاۋعا بولادى. وسى ءۇردىس بۇگىنگى مەملەكەت باسشىسى قاسىم-جومارت توقاەۆتىڭ تاراپىنان ءوز جالعاسىن تاپقانى ساباقتاستىقتىڭ ءبىر كورىنىسىندەي اسەر بەرەدى.

اتاپ ايتقاندا, 2019 جىلى پرە­زيدەنت قاسىم-جومارت توقاەۆتىڭ سايلاۋالدى باعدارلاماسىندا مەملە­كەتتىك قىزمەتتى ودان ءارى جەتىلدىرۋ مەن تيىمدىلىگىن كوتەرۋ ءۇشىن ەل جاستارى اراسىنان كادر رەزەرۆىن جاساقتاۋ جونىندەگى ماسەلەنىڭ بەلگىلەنگەنى ماعان ۇلكەن وي سالدى. مىنە, قازىرگى كەزدە ق.توقاەۆتىڭ سايلاۋالدى باعدارلاماسى ناقتى تۇردە جۇزەگە اسىپ, ەلىمىزدە تۇڭعىش رەت پرە­زيدەنتتىك جاستار كادر رەزەرۆى ىرىك­تەلدى.

مەن سول ۋاقىتتىڭ وزىندە اتالعان جاس­تار رەزەرۆىنە قوسىلۋعا ءتيىستى ازىرلىك جاساي باستادىم. مۇنداي اسا جاۋاپتى سىنعا ءوز ءبىلىمىم مەن بىلىكتىلىگىمدى ودان ءارى كوتەرە  ءتۇسۋ ارقىلى قوسىلعاندى ءجون كوردىم. وسى ارادا مۇناي-گاز سەكتورى سالاسىندا بۇعان دەيىن قول جەتكىزگەن تابىستارىن جاڭا اسۋلاردى الۋعا ءوز ىقپالىن تيگىزە الدى. وسى ورايدا بايعانين اۋدانىندا مۇناي ءوندىرۋ جانە شيكىزات تاسىمالدايتىن مۇناي قۇبىرىنىڭ قۇرىلىسىنا سۇبەلى ۇلەسىمدى قوسا العانىمدى رياسىز كوڭىلمەن ايتا الامىن. سونىمەن بىرگە ماڭعىستاۋ وبلىسىنداعى بەينەۋ اۋدانىندا مۇناي-گاز سالاسى بويىنشا وتكىزىلگەن حالىقارالىق سايىستا ەكىنشى ورىنعا يە بولعانىمدى دا لايىقتى تۇردە ماقتان تۇتامىن.

بۇگىنگى ۋاقىتتا ء«بىر بەلدەۋ, ءبىر جول» باعدارلاماسى شەڭبەرىندە شانحاي قالاسىنداعى دۋنحۋا ۋنيۆەرسيتەتىنە وقۋعا شاقىرىلۋىم ماعان كورسەتىلگەن سەنىمنىڭ ءبىرى دەمەكپىن. مىنە, وسىنداي جەتىستىكتەرىم كادر رەزەرۆىنە قاتىسۋعا بەلگىلى ءبىر دەڭگەيدە العىشارت قالاعانى انىق. بۇل ىرىكتەۋ ءادىل ءارى اشىق تۇردە وتكىزىلدى. جەتى كەزەڭنەن تۇراتىن جا­ۋاپتى سايىستار كەزىندە ەكى رەت تەست تاپسىرىپ, قۇزىرەتتىلىكتى قورعاۋ بويىنشا كۇردەلى سىننان وتتىك. تۇتاستاي العاندا پرەزيدەنتتىك جاستار كادرلىق رەزەرۆىن ىرىكتەۋ مەريتوكراتيا قاعيداتتارىنا نەگىزدەلدى.

پرەزيدەنتتىڭ اتالعان باستاماسى كاسىبي دەڭگەيى جوعارى جاستاردىڭ جاڭا بيىكتەرگە جەتۋىنە تاپتىرماس مۇمكىندىك بەرەتىن اشىق ءارى ءادىل الەۋمەتتىك ساتى دەپ بىلەمىن. ءارى بۇل مەملەكەت باسشىسى قاسىم-جومارت توقاەۆتىڭ جاستارعا دەگەن سەنىمىنىڭ كورىنىسى. جاستار كادرلىق رەزەرۆىنىڭ جاساقتالۋى ەلىمىزدىڭ ودان ءارى دامۋىنا داڭعىل جول اشىپ, جاڭاشا سەرپىن بەرە الاتىنى انىق. سونداي-اق وسى ارقىلى حالىققا قىزمەت ەتۋدىڭ وزىق تا جاڭاشا ۇلگىسى قوعامدىق ومىرگە قادام باستى دەۋگە ابدەن بولادى.

بۇعان دەيىن باسپاسوزدە حابار­لان­عانىنداي, پرەزيدەنتتىك كادرلىق رەزەرۆىنە قاتىسۋعا 13 مىڭ ادام ءوتىنىش بەرگەن بولسا, ونىڭ تەك 300-ءىنىڭ عانا باعى جانعانى ايتۋعا عانا جەڭىل بولسا كەرەك. سولاردىڭ ءبىرى بولعانىم مەن ءۇشىن ۇلكەن مەرەي. بۇل مەنى جاڭا تابىستار مەن جەتىستىكتەرگە قاناتتاندىرادى دەگەن سەنىمدەمىن.

لياززات ءادىلوۆا,

«ساعىز پەتروليۋم» جشس كومپانياسى ەنەرگەتيكالىق ءبولىمىنىڭ باس مەنەدجەرى

 اقتوبە