18 جانە 19 قاڭتار كۇندەرى ماسكەۋدە قۇرلىقتىق حوككەي ليگاسىنىڭ (قحل) «جۇلدىزدار ماتچى» وتەتىنى بەلگىلى. بۇل شوۋدا ايتۋلى ءتۋرنيردىڭ ءتورت ديۆيزيونىنىڭ كوماندالارى ءوزارا شەبەرلىك بايقاسادى.
قحل-دا نۇر-سۇلتاننىڭ «بارىسى» چەرنىشەۆ ديۆيزيونىندا باق سىناپ جۇرگەنى بارشاعا ءمالىم. ءبىزدىڭ كوماندا ساپىنان «جۇلدىزدار ماتچىندا» تەك داررەن ديتس قانا ونەر كورسەتەدى. مىنە, ءدال سول قازاقستاندىق كلۋبتىنىڭ قۇرامىنداعى كانادالىق لەگيونەر ماسكەۋدە وتەتىن شوۋدا ءوز ديۆيزيونىنىڭ كاپيتانى بولىپ تاعايىندالدى.
«جۇلدىزدار ماتچىندا» ونەر كورسەتۋ ءار ويىنشى ءۇشىن ۇلكەن مارتەبە. جەكە ءوز باسىم باق وكىلدەرىنىڭ تاڭداۋى ماعان تۇسكەنىنە قاتتى قۋانىپ وتىرمىن. ونىڭ ۇستىنە كوماندا كاپيتانى بولىپ تاعايىندالدىم. ماسكەۋدەگى باسەكەدە مەن تەك «بارىستىڭ» عانا ەمەس, كۇللى قازاقستاننىڭ نامىسىن قورعايمىن. سول ماتچتاردا كورەمەندەر كوڭىلىنە سەلكەۋ تۇسىرمەۋگە تىرىسامىن, دەيدى داررەن ديتس.