رەسەي فەدەراتسياسىنىڭ ۇكىمەتى تولىق قۇرامدا وتستاۆكاعا كەتەدى. بۇل تۋرالى مينيسترلەر كابينەتىنىڭ باسشىسى دميتري مەدۆەدەۆ مالىمدەدى, دەپ حابارلايدى «قازاقپارات».
رف پرەمەر-ءمينيسترى دميتري مەدۆەدەۆ ەل پرەزيدەنتىنىڭ كونستيتۋتسياعا وزگەرىستەر ەنگىزۋ تۋرالى جاساعان ۇسىنىسى اياسىندا ءىس باسىنداعى ۇكىمەتتىڭ تولىق قۇرامدا وتستاۆكاعا كەتۋىن ءجون دەپ سانايدى, دەپ جازادى تاسس.
«اتاپ وتىلگەندەي, تالقىلاۋدان كەيىن اتالمىش وزگەرىستەر قابىلدانعان جاعدايدا, ولار كونستيتۋتسيانىڭ بىرقاتار باپتارىنا عانا ەمەس, سونداي-اق تۇتاستاي بيلىكتىڭ, اتقارۋشىلىق بيلىكتىڭ, زاڭنامالىق بيلىكتىڭ, سوت بيلىگىنىڭ بالانسىنا ايتارلىقتاي وزگەرىستەر ەنگىزەدى. بۇل كونتەكستتە ءبىز رەسەي فەدەراتسياسىنىڭ ۇكىمەتى رەتىندە ەلىمىز پرەزيدەنتىنە قاجەتتى بارلىق شارالاردى قابىلداۋعا مۇمكىندىك بەرۋىمىز قاجەتتىگى تۇسىنىكتى. جانە وسى جاعدايدا, رف كونستيتۋتسياسىنىڭ 117-بابىنا سايكەس رەسەي فەدەراتسياسىنىڭ ۇكىمەتى بۇگىنگى قۇرامىندا وتستاۆكاعا كەتكەنى دۇرىس دەپ سانايمىن», - دەدى د.مەدۆەدەۆ.