حالىقارالىق بوكس فەدەراتسياسىنىڭ (IBF) جاڭارتىلعان رەيتينگىندە قازاقستاننىڭ قوس ورەنى وزدەرىنىڭ جاعدايلارىن ءبىرشاما جاقسارتتى.
ورتا سالماقتا WBC (USNBC) نۇسقاسى بويىنشا چەمپيوندىق اتاقتىڭ يەگەرى مەيىرىم نۇرسۇلتانوۆ توعىزىنشى ورىننان سەگىزىنشىگە كوتەرىلسە, جانىبەك ءالىمحان ۇلى بىردەن ءۇش ساتىعا جوعارلادى. WBC Continental Americas جانە WBO Global تۇجىرىمدارىنىڭ التىن بەلبەۋلەرىن يەلەنىپ وتىرعان قانداسىمىز بۇل كۇندەرى 12 ورىنعا جايعاستى. قازىرگى كەزدە ءداپ وسى جىگىتتەرگە بارشا قازاق جانكۇيەرلەرى ۇلكەن سەنىم ارتىپ وتىر. ولاردىڭ ءبىز كاسىپقوي بوكستىڭ شىڭىنان كورگىمىز كەلەدى. تىپتەن, وسى سالانىڭ باسى-قاسىندا جۇرگەن مايتالمان مامانداردىڭ وزدەرى مەيىرىم مەن جانىبەكتىڭ كەلەشەگى جارقىن ەكەنىنە كامىل سەنەدى.
ال جارتىلاي ورتا سالماقتاعى نۇرسۇلتان جاناباەۆ پەن ءبىرىنشى جارتىلاي ورتا سالماقتاعى باتىر جۇكەمباەۆ ءوز پوزيتسيالارىن ساقتاپ قالدى. ءبىرى – سەگىزىنشى, ەكىنشىسى – 12 ساتىعا تابان تىرەپ تۇر.