بۇگىن قىتايدىڭ شەنچجەن قالاسىندا حالىقارالىق سۋ سپورتى تۇرلەرى فەدەراتسياسىنىڭ (FINA) ساناتىنداعى «Champions Swim Series» جارىسىنىڭ ءبىرىنشى كەزەڭى باستالادى.
ايتۋلى دودادا وليمپيا ويىندارى مەن دۇنيەجۇزىلىك ۋنيۆەرسيادانىڭ جەڭىمپازى, ازيادانىڭ ءۇش دۇركىن چەمپيونى جانە ءۇش دۇركىن قولا جۇلدەگەرى دميتري بالاندين دە ونەر كورسەتەدى. ەرتەڭ ول 200 مەترلىك قاشىقتىققا براسس ادىسىمەن ءجۇزۋ سايىسىندا باق سىنايدى. بۇل باسەكەدەگى ونىڭ قارسىلاستارى – وليمپيادا جۇلدەگەرى دجون پرەنو (اقش), الەم چەمپيونى ماركۋس كوح (گەرمانيا) جانە ەۆروپا چەمپيونى ارنو كاممينگا (گوللانديا).
ەستەرىڭىزگە سالا كەتەيىك, «Champions Swim Series» جارىسىنا قازاقستاننان تەك بالاندين عانا قاتىسۋدا. بىلتىر عانا تۇساۋى كەسىلگەن ءۇش كەزەڭنەن تۇراتىن دودانىڭ ەكەۋىنەن ول ولجالى ورالعان ەدى. اتاپ ايتساق, بۋداپەشتە كۇمىس مەدالدى يەلەنسە, يندياناپوليستە قولاعا قول سوزدى. سونداي-اق گۋانجوۋدا ءتورتىنشى ورىندا قالىپ قويدى. ناتيجەسىندە جەرلەسىمىز توكيو وليمپياداسىنىڭ جولداماسىنا يەلىك ەتتى.