اقمولادا مۇمكىندىگى شەكتەۋلى جاندارعا جاقسى جاعداي تۋعىزىلۋدا

الەۋمەتتىك قىزمەتتەر پورتالىن پايدالانۋ ءۇشىن مۇمكىندىگى شەكتەۋلى ازاماتتار ورتالىققا كەلىپ, ەلەكتروندى تسيفرلىق قولتاڭبانى الۋ كەرەك. مۇندا ارنايى وزىنە-ءوزى قىزمەت كورسەتۋ ايماقتارى قۇرىلعان, مۇنداي ايماقتار وبلىستىق جۇمىسپەن قامتۋ ورتالىقتارى جانىندا دا بار. گ ۇلىم بايقوشقاروۆا ءۇشىنشى توپتاعى مۇگەدەك. تۋعاننان ەستۋ قابىلەتىنەن ايرىلعان جان. مەكتەپتە ەستۋ اپپاراتىنىڭ كومەگىمەن ءبىلىم الىپ,  90-شى جىلدارى «فارفور» زاۋىتىندا جۇمىس ىستەگەن. بۇگىندە ەكى بالا تاربيەلەپ, نەمەرەلەرىنىڭ قىزىعىن كورىپ وتىر. گ ۇلىم بايقوشقاروۆانىڭ ايتۋىنشا, قاراپايىم ادامدار ءۇشىن ءار كۇن ءبىر قالىپتا باستالاتىن بولسا, وندا باسقاشا.

مامانداردىڭ ايتۋىنشا, تيفلوتەحنيكالىق جانە باسقا دا قۇرالدارمەن قامتاماسىز ەتۋ بويىنشا قارجىلاندىرۋ وتكەن جىلدارمەن سالىستىرعاندا, 2019 جىلى 141 ميلليون تەڭگەگە ارتقان.

–2014 جىلدان باستاپ جىل سايىن كورۋ, ەستۋ قابىلەتى ناشار ادامدارعا ارنالعان جول بەلگىلەرىن ورناتۋ, جاياۋ جۇرگىنشىلەر وتكەلدەرىن قايتا جابدىقتاۋ ء ۇشىن رەسپۋبليكالىق ترانسفەرت بولىنەدى. سونداي-اق الەۋمەتتىك جانە كولىكتىك ينفراقۇرىلىم نىساندارىندا كەدەرگىسىز ورتا قۇرۋعا قاتىستى 1772 جۇمىس  جۇرگىزىلۋدە.  قازىرگى ۋاقىتتا بارلىق فيزيولوگيالىق قاجەتتىلىكتەردى ەسكەرە وتىرىپ, بەيىمدەلۋدىڭ قوسىمشا شارالار كەشەنى بويىنشا جۇمىس ءجۇرىپ جاتىر,–دەيدى وبلىستىق جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ ءبولىم  جەتەكشىسى اسەم ءىلياسوۆا.

بۇگىندە كوكشەتاۋ قالاسىندا زاعيپ ادامدارعا ارنالعان بىرنەشە الەۋمەتتىك ماڭىزدى نىساندار جابدىقتالعان. اتاپ ايتساق,  اۋەلبەكوۆ كوشەسى مەن نازارباەۆ داڭعىلى بويىنداعى ەكى ەمحانا, قوس بىردەي تەاتر,  «دوستار», «كوكشەتاۋ» مادەنيەت سارايلارى مەن تەمىرجول ۆوكزالى. بۇل جۇمىس «جول كارتاسى-2023» باعدارلاماسى اياسىندا جالعاسىن تاپپاق. 2014 جىلدان باستاپ وبلىس بويىنشا 341 بەلگى قويىلىپ, 32 جاياۋ جۇرگىنشىلەر جولى قايتا جابدىقتالعان.  

–جىل سايىن قولعا الىنىپ وتىراتىن مۇگەدەكتەردىڭ «كەدەرگىسىز ورتاسىن قامتاماسىز ەتۋ» باعدارلاماسى بار, ءوڭىردىڭ ءاربىر اۋداندارى مەن قاتار وبلىس ورتالىعىندا  دىبىس باعدارشامدارىن ورناتۋعا قارجى بولىنەدى.  جىل سايىن كەم دەگەندە  2 باعدارشام ىسكە قوسىلادى, دەيدى وبلىستىق جولاۋشىلار كولiگi جانە اۆتوموبيل جولدارى باسقارماسى جەتەكشىسىنىڭ ورىنباسارى ۆلاديمير كۋلاكوۆ.