سوڭعى جىلى قازاقستان قۇراماسىندا قىزمەت اتقارعان چەح مامانى ميحال بيلەك «استانا» فۋتبول كلۋبىنىڭ باس باپكەرى قىزمەتىنە تاعايىندالدى, دەپ حابارلادى كلۋبتىڭ ءباسپاسوز قىزمەتى.
ميحال ءبىزدىڭ ۇلتتىق قۇرامادان بولەك, ءوز وتانىنداعى «تەپليتسە», «حمەل», «ۆيكتوريا» (پلزەن), «سپارتا» (پراگا), «ۆىسوچينا», «فاستاۆ» كلۋبتارىندا جانە چەحيا ۇلتتىق قۇراماسى مەن جاستار قۇراماسىندا باپكەرلىك قىزمەت اتقارعان. سونداي-اق, كوستاريكاندىق «كارتاحينەس», سلوۆاكيالىق «رۋجومبەروكە», گرۋزيالىق «دينامو» (تبيليسي) كلۋبتارىنداعى جۇمىس تاجىريبەسى بار.
چەحيا ۇلتتىق قۇراماسىمەن بىرگە ەۋروپا چەمپيوناتىنىڭ شيرەك فينالىنا شىعىپ, چەحيانىڭ جاسوسپىرىمدەر قۇراماسىمەن ەۋرو-دا قولا جۇلدەگە قول جەتكىزگەن. سونداي-اق «سپارتا» كومانداسىمەن ەل چەمپيوناتىندا توپ جارىپ, كۋبوكتى جەڭىپ العان.