پارلامەنت سەناتىنىڭ دەپۋتاتى نۇرلان قىلىشباەۆ جۇمىس بابىنداعى ساپارمەن الماتى وبلىسىنىڭ قاپشاعاي قالاسىندا بولدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
سەناتور قۋاتى 100 مۆت «Eneverse Kunkuat» كۇن ەلەكتر ستانتسياسىن ارالادى, مەديتسينالىق ماقساتتاعى بۇيىمداردى ءوندىرۋ جونىندەگى «كۇمسۋات فارم» مەكەمەسىنىڭ جۇمىسىمەن, «7-20-25» باعدارلاماسىن جۇزەگە اسىراتىن «تەرموماكس» سەرىكتەستىگىنىڭ «Balsu-Lux» تۇرعىن ءۇي كەشەنىندەگى قۇرىلىس-مونتاجداۋ جۇمىستارىنىڭ بارىسىمەن تانىستى.
سەناتور ەڭبەك ۇجىمدارىمەن كەزدەسۋ اياسىندا ەلباسى نۇرسۇلتان نازارباەۆتىڭ الەۋمەتتىك باستامالارىنىڭ, مەملەكەت باسشىسى قاسىم-جومارت توقاەۆتىڭ قازاقستان حالقىنا جولداۋىنىڭ باسىمدىقتارى مەن ىسكە اسۋ بارىسى تۋرالى حاباردار ەتتى. سونداي-اق پارلامەنتتىڭ 2019 جىلعى زاڭ شىعارۋ جۇمىسىنىڭ قورىتىندىلارى تۋرالى ايتىلدى.