وبلىس ورتالىعىندا 6-9 قاڭتار كۇندەرى قىلمىستىق قۇقىق بۇزۋشىلىقتىڭ الدىن الۋ جانە قيىن جاعدايدا قالىپ, قاڭعىباستىققا سالىنعانداردى ومىرگە بەيىمدەۋ ماقساتىندا «پودۆال» جەدەل-پروفيلاكتيكالىق ءىس-شاراسى جۇرگىزدى. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.
شارا بارىسىندا قالا اۋماعىنان قاڭعىباستىققا سالىنىپ, تۇراقتى مەكەن-جايسىز جۇرگەن 42 ازامات قىزىلوردا قپب جپقب-ءنىڭ قابىلداۋ- تاراتۋ ورنىنا جەتكىزىلىپ, ەسەپكە الىندى.
وسىدان كەيىن وبلىستىق دەنساۋلىق ساقتاۋ باسقارماسىنا قاراستى كەزبەلىككە سالىنعان ادامداردى قايتا الەۋمەتتەندىرۋ ورتالىعىنا جەتكىزىلىپ, ولارعا 7 ءتۇرلى قىزمەت (الەۋمەتتىك تۇرمىستىق, ەڭبەك, مەديتسينالىق, پسيحولوگيالىق, مادەني, ەكونوميكالىق جانە قۇقىقتىق) كورسەتىلدى.
اتالعان ورتالىق الپىس ورىندىق, ونىڭ 50-ءى كۇندەلىكتى جاتقان ادامدارعا, ال قالعان 10 ورىن تۇنەمەلىك كەلۋشىلەرگە ارنالعان.
قازىر كۇن رايىنىڭ كۇرت سۋىتۋىنا پوليتسيا مەن ورتالىق ماماندارى ء وزارا بىرلەسىپ, قاڭعىباستىققا سالىنعانداردى وسىندا جەتكىزۋدى ۇيىمداستىرۋدا.