قازاقستاندىقتار egov.kz ەلەكتروندى پورتالى, Telegram bot ارقىلى ەمحاناعا ونلاين رەجيمىندە تىركەلە الادى. ءوتىنىش 1 جۇمىس كۇنى ىشىندە وڭدەلەدى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
ونلاين تىركەلۋ ءۇشىن ازامات http://egov.kz سايتىنا ءوتىنىش جاساپ, «مەديتسينالىق كومەك» بولىمىندە «العاشقى مەديتسينالىق-سانيتارلىق كومەك كورسەتەتىن مەديتسينالىق ۇيىمعا تىركەلۋ» قىزمەتىن تاڭداۋى قاجەت. ودان سوڭ «قىزمەتكە ونلاين تاپسىرىس بەرۋ» تۇيمەسىن باسۋ كەرەك. ءوتىنىش ءساتتى جولدانعاننان كەيىن پورتالدا «سۇرانىس وڭدەلۋدە» مارتەبەسى پايدا بولادى.
ەمحانانىڭ ۇيدەن, جۇمىستان 15-20 مينۋت جاياۋ جۇرەتىن جەردە ورنالاسقانى ءجون. بۇل دارىگەرلەرگە قاجەت بولعان جاعدايدا ۇيىڭىزدەن جەدەل كومەك كورسەتۋگە, بۇكىل وتباسىڭىزبەن ءبىر دارىگەرگە قارالۋعا مۇمكىندىك بەرەدى. سونىمەن قاتار تۇرعىلىقتى جەر بويىنشا ەمحاناعا Telegram bot ارقىلى تىركەلۋ مۇمكىندىگى بار, ول ءۇشىن Telegram مەسسەندجەرىندە @Kenes1414Bot-قا جازىلىپ, قاراپايىم تىركەۋدەن ءوتىپ, ارى قاراي قىزمەت ءتۇرى: مەديتسينالىق ۇيىمعا مەسسەندجەر ارقىلى تىركەلۋدى تاڭداپ, ەمحانانى تاڭداۋ قاجەت. قىزمەتتى كورسەتۋ مەرزىمى – 1 جۇمىس كۇنى.
بوتپەن جۇمىس جاساۋدى باستاۋ ءۇشىن eGov.kz-كە تىركەلگەن بولىپ, ۇيالى تەلەفوننىڭ ءنومىرىن پورتالدىڭ پروفيلىنە بايلانىستىرۋ قاجەت. تەلەفوندى تىركەۋ جانە بايلانىستىرۋ ەتسق پايدالانا وتىرىپ جۇزەگە اسىرىلادى.
سونىمەن قاتار iKOMEK109 بىرىڭعاي بايلانىس ورتالىعىنا حابارلاسىپ, ازاماتتىڭ قالانىڭ بەلگىلى ءبىر ەمحاناسىنا تىركەلگەنى تۋرالى اقپارات الۋعا بولادى.