ۆولونتەرلەر شتابى «استانا جاستارى» جرو بازاسىندا جۇمىس ىستەيدى. بۇگىنگى تاڭدا شتابتا 2000-نان استام ۆولونتەر تىركەلگەن. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
شتاب جانىندا «Astana Volunteers» ۆولونتەرلەر مەكتەبى قۇرىلعان. مەكتەپ اياسىندا جاستار الەۋمەتتىك, سپورتتىق, EVENT جانە ECO ۆولونتەرلىك باعىتتار بويىنشا وقىتىلادى. سونىمەن قاتار توتەنشە جاعدايلار بويىنشا دا ۆولونتەرلەر داۋىنداۋ كوزدەلگەن. وقۋعا نيەت بىلدىرگەن جاستاردىڭ اعىمداعى جىلدىڭ اقپان ايىندا كۋرسقا جازىلۋىنا مۇمكىندىگى بار. ۆولونتەرلەر جىلىنا وراي ەلوردادا جاستاردى قولداۋعا, ۆولونتەرلىكتى دامىتۋعا باعىتتالعان كوپتەگەن شارالار ۇيىمداستىرىلۋدا.
سونىڭ ءبىرى – «بىرگە-تازا قازاقستان» اكتسياسى اياسىندا وتەتىن «VOLUNTEERS CAMP» ۆولونتەرلەرىنە ارنالعان جىلجىمالى ەكو-لاگەر جوباسى. اتالمىش شارا اياسىندا 500-دەن استام جاس كيىم-كەشەكپەن, تاماقپەن, كولىك قىزمەتىمەن قامتاماسىز ەتىلەدى دەپ جوسپارلانعان.
سونداي-اق «قاۋىپسىز قالا» ۇلتتىق جوباسى اياسىندا بىرقاتار ءىس-شارالار وتەدى. ودان بولەك, نۇر-سۇلتاندا مۇمكىندىگى شەكتەۋلى جانداردى ۆولونتەرلىك قىزمەتكە قوسۋدى كوزدەيتىن ينكليۋزيۆتى ۆولونتەرلىكتى دامىتۋعا ەرەكشە كوڭىل بولىنەدى.
ەستەرىڭىزگە سالساق, وسى جىلى مەملەكەت باسشىسى ۆولونتەرلىك قوزعالىسقا بەلسەندى قاتىسقان ستۋدەنتتەردىڭ شاكىرتاقىسىن 30 پايىزعا كوتەرۋدى تاپسىرعان بولاتىن. ۆولونتەرلەر جىلى «Birgemiz», «مى - ۆمەستە» ۇرانىمەن وتەدى.