قازاقستاندىق گەننادي گولوۆكين مەن ۋكراينالىق سەرگەي دەرەۆيانچەنكو اراسىنداعى تيتۋلدىق كەزدەسۋ Boxingscene.com تۇجىرىمى بويىنشا 2019 جىلدىڭ ۇزدىك جەكپە-جەك بولىپ تانىلدى. بۇل تۋرالى Vesti.kz حابارلادى.
بوكسشىلار 5 قازاندا نيۋي-يورك قالاسىنداعى Madison Square Garden ارەناسىندا كەزدەستى. كەزدەسۋدىڭ جەڭىمپازىنا ورتا سالماقتا IBF جانە IBO تۇجىرىمدارى بويىنشا الەم چەمپيونى اتاقتارى باسكە تىگىلدى.
«جەكپە-جەك باستالىسىمەن گەننادي گولوۆكين ءبىرىنشى راۋندتا قارسىلاسىن ەسەڭگىرەتۋ ارقىلى جەكپە-جەك ۇزاققا سوزىلمايدى دەپ ويلادى. الايدا GGG ول كەزدە سپورتتىق مانسابىندا ەڭ اۋىر كەزدەسۋدى وتكىزەتىنىن ويلامادى دا. دەرەۆيانچەنكو مەن گولوۆكين قالعان 11 راۋند بويى ناعىز ايقاس ۇيىمداستىردى, ونى بوكس جانكۇيەرلەرى دە كورە الدى. گولوۆكيننىڭ ءار سوققىسىنا دەرەۆيانچەنكو قاراپ تۇرماي, قارىمتاسىن قايتارىپ وتىردى. ولار اۋىر سوققىلارىن ءبىر-بىرىنە دارىتىپ, شىدامدىلىق تانىتتى» دەپ جازادى باسىلىم.
12 راۋند اياقتالعان سوڭ تورەشىلەر (115-112, 115-112, 114-113) شەشىم شىعارىپ, گولوۆكينگە جەڭىستى بەردى.