ۇيعىر اۋدانىنىڭ كەتپەن اۋىلىنىڭ تۇرعىنى قاسقىرعا تالاندى. وقيعا جاڭا جىلدىڭ الدىندا بولعان.
كەشكى ساعات 19.35 شاماسىندا اۋداندىق اۋرۋحاناعا جىرتقىش تىرناعىنان جارالانعان ادام تۋرالى حابار تۇسكەن. زارداپ شەككەن جاس جىگىتكە جەدەل مەديتسينالىق كومەك كورسەتىلدى.
اۋىل تۇرعىندارىنىڭ ايتۋىنشا, جىرتقىش اڭ ەلدى مەكەن كوشەسىنە ەركىن كىرىپ, كوشەدەگى جۇرگىنشىگە وقىستان شاپقان. جەرلەستەرىنىڭ جانۇشىرعان داۋسىن ەستىگەن ادامدار لەزدە جينالىپ, قاسقىردان اراشالاپ الىپتى. ازۋىلى جىرتقىش جاس جىگىتتىڭ قولىن تىستەپ, بەت-ءجۇزىن تىرناپ ۇلگەرگەن. كومەككە ۇمتىلعان ادامدار قاسقىردى اعاش توقپاقپەن ۇرىپ ءولتىرىپتى. تۇرعىندار اڭنىڭ ولەكسەسىن مال دارىگەرلىك قىزمەتكە تاپسىرعان. جابايى قاسقىردىڭ قۇتىرما اۋرۋىنا شالدىققانى جايىندا بولجام بار.