ءۇشىنشى مەگاپوليستە تۇرعىن ءۇي قۇرىلىسى جيناق بانكىنىڭ جاڭا كەڭەس بەرۋ ورتالىعى جۇمىسىن باستادى. زاماناۋي فورماتتاعى ورتالىق قوناەۆ داڭعىلى مەن رىسقۇلوۆ كوشەسىنىڭ قيىلىسىندا ورنالاسقان. بۇل تۋرالى شىمكەنت قالاسى اكىمدىگىنىڭ ءباسپاسوز قىزمەتى حابارلادى.
قالا تۇرعىندارى مۇندا تەك دەپوزيت اشىپ قويماي, سونداي-اق نەسيە الۋ ءۇشىن ءوتىنىم بەرىپ, ءوز مۇمكىندىكتەرىن الدىن الا تەكسەرە الادى.
تۇقج بانكىنىڭ شىمكەنتتەگى كەڭەس بەرۋ ورتالىقتارى مىنا مەكەنجايدا ورنالاسقان:
رىسقۇلوۆ كوشەسى, «گيپەر حاۋس» ساۋدا ورتالىعى;* قوناەۆ داڭعىلى, "التىن" ساۋدا ءۇيى;* اسقاروۆ كوشەسى, 32 ءۇي* رىسقۇلوۆ كوشەسى, «سەۆەر» ساۋدا ءۇيى.
بۇگىنگى تاڭدا 1,5 ملن قازاقستاندىق تۇرعىن ءۇي قۇرىلىسى جيناق بانكىنە سەنىم ءبىلدىرىپ وتىر. بيىل 350 000 مىڭ ادام دەپوزيت اشىپ, سالىمىن باستادى.
شىمكەنت قالاسى بويىنشا 97 708 سالىمشى بار, ولاردىڭ جالپى جيناعى 43,2 ميلليارد تەڭگەنى قۇراپ وتىر.
– قارجىسىن جيناقتاعان سالىمشىلار بانك سىياقىسىنان بولەك جىل سايىنعى مەملەكەتتىك سىيلىقاقىنى دا الا الادى. ونىڭ مولشەرى – 20%, ياعني 505 000 تەڭگە سالىپ, 101 000 تەڭگە سىيلىقاقى الا الاسىز. ول ءۇشىن 31 جەلتوقسانعا دەيىن دەپوزيت اشىپ, تولتىرىپ ۇلگەرۋ قاجەت, دەدى تۇقجب شىمكەنت فيليالىنىڭ ءبولىم باسشىسى نۇرلان سۇلتانوۆ.