بۇگىنگى تاڭدا 6,3 ملن استام ادام مىندەتتى الەۋمەتتىك ساقتاندىرۋ جۇيەسىنىڭ قاتىسۋشىلارى بولىپ تابىلادى. «مەملەكەتتىك الەۋمەتتىك ساقتاندىرۋ قورى» اق - دان (بۇدان ءارى-ماسق) 2005-2019 جىلدارى 4,6 ملن ادام جالپى سوماسى 1,2 ترلن تەڭگەدەن استام الەۋمەتتىك تولەمدەر الدى. بۇل تۋرالى ەڭبەك جانە الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.
الەۋمەتتىك ساقتاندىرۋ – جۇمىس ىستەيتىن ازاماتتار ءۇشىن الەۋمەتتىك قامسىزداندىرۋدىڭ قوسىمشا نىسانى. 2019 جىلى مىندەتتى الەۋمەتتىك ساقتاندىرۋ جۇيەسى تۋرالى حالىقتىڭ حاباردارلىعىن ارتتىرۋ ماقساتىندا مەملەكەتتىك الەۋمەتتىك ساقتاندىرۋ قورىنىڭ 17 فيليالىندا 68 اشىق ەسىك كۇندەرى وتكىزىلدى.
وتكەن اپتادا انالارعا جانە بولاشاق انالارعا ارنالعان ماستەر-كلاسس فورماتىنداعى سوڭعى ءىس-شارالار ءوتتى. وعان ماسق, «ازاماتتارعا ارنالعان ۇكىمەت» مەملەكەتتىك كورپوراتسياسى ماماندارى, سونداي-اق مەديتسينالىق ورتالىقتاردىڭ وكىلدەرى, جەكە ءوسۋدىڭ كوۋچ-ترەنەرلەرى قاتىستى.
مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا بىرقاتار اقپاراتتىق جانە كونسۋلتاتسيالىق قىزمەتتەرىن ۇسىنۋ جانە مەملەكەتتىك الەۋمەتتىك ساقتاندىرۋ قورى ۇسىناتىن ەلەكتروندىق مەملەكەتتىك قىزمەتتەردى كەڭىنەن تاراتۋ ماقساتىندا اشىق ەسىك كۇندەرى وتكىزىلدى.
ايەلدەرگە 1 جاسقا دەيىنگى بالانى كۇتىپ-باعۋ ءۇشىن الەۋمەتتىك تولەمدى پرواكتيۆتى فورماتتا تولەۋ مۇمكىندىگى تۋرالى ايتىلدى, مۇندا ءسىز تولەم جاساۋ ماقساتى تۋرالى الەۋمەتتىك قورعاۋ ورگاندارىنىڭ SMS-حابارلاماسىنا جاۋاپ بەرىپ, بانكتىك شوتىڭىز تۋرالى اقپاراتتى جىبەرۋىڭىز كەرەك. اعىمداعى جىلدىڭ 11 ايىندا كورسەتىلگەن تولەم سوماسى 13 246 الۋشىعا تاعايىندالدى.
ماستەر-كلاسس بارىسىندا «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ماماندارى egov.kz پورتالى ارقىلى بالانىڭ تۋ تۋرالى كۋالىگىن جانە بالاباقشاعا كەزەككە تۇرۋ جولدارىن ينتەراكتيۆتى تۇردە كورسەتتى. مەديتسينالىق ورتالىقتاردىڭ جاتتىقتىرۋشىلارى بوسانۋ پروتسەسىنە دايىندىقتىڭ قاجەتتىلىگى جانە ەمشەك سۇتىمەن قورەكتەنۋ ەرەكشەلىكتەرى تۋرالى ايتتى.
سونىمەن قاتار 2019 جىلى مىندەتتى الەۋمەتتىك ساقتاندىرۋ جۇيەسى تۋرالى اقپاراتتاندىرۋ ماقساتىندا حالىقپەن 1280 اقپاراتتىق ءتۇسىندىرۋ كەزدەسۋلەرى وتكىزىلىپ, وعان 46 304 ازامات قاتىستى.