سوڭعى كۇندەرى جەدەل جاردەم كولىكتەرى ۇنەمى دىبىس دابىلىن قوسىپ جۇرەتىندىگى تۋرالى اڭگىمەلەر كوپ ايتىلىپ ءجۇر. وسى ماسەلەنىڭ ءمان-جايىن ءتۇسىندىرىپ بەرۋ ماقساتىندا ماڭعىستاۋ وبلىستىق دەنساۋلىق ساقتاۋ باسقارماسىنا سۇراۋ جىبەرىلگەن بولاتىن.
ماڭعىستاۋ وبلىسىنىڭ شۇعىل جانە جەدەل مەديتسينالىق جاردەم ستانتسياسىنىڭ ديرەكتورى راقىمجان ەلتاەۆتىڭ ايتۋىنشا, بۇدان بىلاي دىبىستى دابىل ۇنەمى قولدانىلادى جانە بۇعان ەش الاڭداۋدىڭ قاجەتتىلىگى جوق.
بۇل جاڭا مەملەكەتتىك دىبىستىق جانە جەدەل جاردەم كولىگىنىڭ جارقىلداۋىق ماياكتىڭ جاڭادان بەكىتىلگەن ستاندارتىنا سايكەس ەنگىزىلگەن. دىبىس جۇيەسىنىڭ دەڭگەيى تاڭەرتەڭگى 08:00-دەن تۇنگى 23:00-گە دەيىن قوسىلادى. وسىلايشا تۇنگى ساعات 23:00-دەن سوڭ سيرەنا وشىرىلەدى جانە ونىڭ ورنىنا ءتۇستى جۇيە ىسكە قوسىلادى, سەبەبى تۇنگى مەزگىلدە كەپتەلىس ازايادى.
ەگەر دە بۇرىن «103» قىزمەتى سانيتارلىق اۆتوكولىكتى كەدەرگىسىز ءوتىپ كەتۋ ءۇشىن قاجەت جاعدايدا عانا ارناۋلى دىبىستىق سيگنالدى قوسىپ كەلسە, بۇدان بىلاي جاڭا ستاندارتقا سايكەس ارەكەت ەتەدى. ياعني, جول قاۋىپسىزدىگىن قامتاماسىز ەتۋ جاعدايلارى كەزىندە سانيتاريالىق اۆتوكولىكتىڭ كەدەرگىسىز ءوتىپ كەتۋىن قامتاماسىز ەتۋ ءۇشىن سانيتاريالىق اۆتوكولىك جەدەل مەديتسينالىق كومەك بريگاداسى شىققان كەزدەن باستاپ شاقىرتۋ ورنىنا دەيىن جانە پاتسيەنتتى ستاتسيونارعا تاسىمالداۋ كەزىندە «جول ءجۇرىسى قاعيدالارىن, كولىك قۇرالدارىن پايدالانۋعا رۇقسات بەرۋ جونىندەگى نەگىزگى ەرەجەلەردى, كولىگى ارنايى جارىق جانە دىبىس سيگنالدارىمەن جابدىقتالۋعا جانە ارنايى ءتۇستى-گرافيكالىق سحەمالار بويىنشا بويالۋعا ءتيىس جەدەل جانە ارنايى قىزمەتتەر تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 13 قاراشاداعى № 1196 قاۋلىسىنا سايكەس ەڭ جوعارعى دەڭگەيدە ارناۋلى دىبىستىق سيگنالدى (سيرەنا) بەرەدى جانە كوك نەمەسە قىزىل ءتۇستى جارقىلداۋىق ماياكتى ىسكە قوسادى.
وسىلايشا, ۇنەمى قوسىلىپ تۇراتىن سيرەنانىڭ ارقاسىندا جەدەل جاردەم ماشيناسى شاقىرتىلعان ورىنعا تەز ارادا جەتۋ مۇمكىندىگىنە يە بولماق, ياعني بۇرىنعىشا 15-20 مينۋتتا باراتىن جەرگە, 7-8 مينۋتتا جەتۋگە بولادى.
ونىڭ ۇستىنە, اقتاۋ قالاسىندا حالىق سانىنىنىڭ جىل ساناپ ارتىپ كەلە جاتقاندىعىن ەسكەرەتىن بولساق جانە شەتى جوق قۇرىلىستىڭ جۇرگىزىلىپ جاتقاندىعى كولىكتەردىڭ قوزعالىسىنا ءبىراز قيىندىقتار تۋعىزىپ وتىرعاندىعى جاسىرىن ەمەس. سونىڭ سالدارىنان جەدەل جاردەم قىزمەتى كەيبىر شاقىرتۋلارعا ۋاقىتىندا جەتە الماي جاتقاندىعى جاسىرىن ەمەس.
سول سەبەپتى, ماڭعىستاۋ وبلىسىنىڭ شۇعىل جانە جەدەل مەديتسينالىق جاردەم ستانتسياسى تەمىر تۇلپار تىزگىندەگەن جۇرگىزۋشىلەرگە «103» قىزمەتىنە ۇنەمى جول بەرۋگە شاقىرادى. سەبەبى ادام ءومىرىن امان الىپ قالۋدا, ءاربىر مينۋت ماڭىزدى. ەگەر دە كەپتەلىس ازاياتىن بولسا جانە جەدەل جاردەم قىزمەتىنىڭ كولىكتەرىنە جول بەرىپ, جولدا كولىك جۇرگىزۋ مادەنيەتى جاقسارا تۇسسە مەديتسينالىق كومەكتى قاجەت ەتەتىن جاندارعا ۋاقىتىندا بارىپ, ولارعا ساپالى قىزمەت كورسەتۋ مۇمكىندىگى جاسالارى ءسوزسىز.