اقتاۋ قالاسىنداعى اسكەري قالاشىقتا 96 پاتەردەن تۇراتىن 4 تۇرعىن ءۇيدىڭ قۇرىلىسى اياقتالدى. اسكەري قىزمەتشىلەرگە كىلتتەر سالتاناتتى تۇردە تابىس ەتىلدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
تۇرعىن ۇيلەر اسكەري قالاشىقتاردى دامىتۋ باعدارلاماسى اياسىندا تەز سالىناتىن ۇيلەردىڭ جەكە جوباسى بويىنشا سالىنعان. پاتەرلەر تولىعىمەن جابدىقتالعان جانە تۇرۋعا دايىن. اتاپ ايتقاندا ادەمى ارلەۋ, سانيتارلىق تەحنيكا قۇرىلىپ, قاجەتتى جيھاز بەن تۇرمىستىق تەحنيكادا بار. تۇرعىن ۇيگە قاراستى اۋماقتا اباتتاندىرىلعان. ايماق بويىنشا جارىق ورناتىلىپ, اسفالت توسەلىپ, اۋلادا سپورتتىق الاڭ, بالالارعا ارنالعان ويىن الاڭقايلارى مەن ورىندىقتار قۇرىلعان.
اسكەري قىزمەتشىلەردىڭ اسكەري قالاشىققا كوشۋى بولىمشەلەردىڭ جۇمىلدىرۋ جانە جاۋىنگەرلىك دايارلىقتارىنا وڭ سەپتىگىن تيگىزەدى. اتاپ ايتقاندا, تۇراقتى جاۋىنگەرلىك دايارلىق بولىمشەلەرىنە جاتاتىندار تەڭىز جاياۋ اسكەرلەرى مەن اۋە قورعانىسىنا قارسى كۇشتەر.
ودان باسقا, قىزمەتتىك پاتەردى العان اسكەري قىزمەتشىلەر اعىمداعى تۇرعىن ءۇي تولەمدەرىنىڭ 50% كولەمدەگى مولشەرىن الۋدى جالعاستىرىپ, جيناقتارىن تولىقتىرا الادى. اسكەري قىزمەتشىلەردىڭ بالالارى ءۇشىن مەكتەپكە اپارىپ, اكەلۋ مەن بالا باقشا بولادى.
قازىرگى كەزدە قازاقستان قارۋلى كۇشتەرىندە قىزمەتتىك تۇرعىن ءۇي قورىنىڭ قۇرىلىسى ماڭىزدى ماسەلەلەردىڭ ءبىرى بولىپ تابىلادى. تۇرعىن ءۇيدى جالعا الۋ مۇمكىندىگى شەكتەۋلى الىستاعى گارنيزونداردا قۇرىلىس جۇرگىزۋدە باسىمدىلىق بەرىلەدى.
قىزمەتتىك تۇرعىن ءۇي اسكەري قىزمەتشىنى جانە ونىڭ وتباسىن قىزمەت وتكەرۋ ورنى بويىنشا جايلى تۇرۋ جاعدايلارىمەن قامتاماسىز ەتۋگە مۇمكىندىك بەرەدى.