قازاقستان قورعانىس مينيسترلىگىندە جەمقورلىققا قارسى زاڭنامانىڭ ورىندالۋىن باقىلاۋ كوميسسياسىنىڭ كەزەكتى وتىرىسى ءوتتى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
وتىرىس بارىسىندا 2019 جىل بويىنشا قىزمەت قورىتىندى جاسالىپ, ۇيىمداستىرۋ-جۇمىلدىرۋ جۇمىستارى دەپارتامەنتىنىڭ لاۋازىمدى تۇلعالارى تىڭدالىپ, سونىمەن قاتار, سىبايلاس جەمقورلىققا قارسى اگەنتتىگىنىڭ ارميا ورتالىق سپورت كلۋبى لاۋازىمدى تۇلعالارىنا ۇسىنىمى قارالدى.
قورعانىس ءمينيسترىنىڭ ورىنباسارى باۋىرجان تورتاەۆ باسشىلىق ەتكەن كوميسسيا جەمقورلىققا قارسى ستاندارتتاردى ساقتاماي جانە تارتىپتىك جازا جاساۋعا بارعان قم اوسك وفيتسەرىنىڭ لاۋازىمعا سايكەستىگى جونىندە ۇسىنىستار بەردى. ودان بولەك, كوميسسيا جەرگىلىكتى باسقارۋ ورگاندارىنىڭ قىزمەتىنىڭ جەمقورلىققا بارۋعا تاۋەكەلدىگىن تالداۋ, كادرلاردى تاعايىنداۋ مەن لاۋازىمعا قويۋدى مونيتورينگتەۋ, الماتى قالاسى قورعانىس ىستەر جونىندەگى دەپارتامەنتىنىڭ قىزمەتىن تەكسەرىپ, اتالعان دەپارتامەنتتىڭ بولىمشە سەرجانتىن قارۋلى كۇشتەر قاتارىنان شىعارۋ تۋرالى شەشىم قابىلدادى.
بۇگىنگى تاڭدا جەمقورلىققا قارسى ارەكەتتە الدىن-الۋ شارالارى مىڭىزدى ءرول اتقارادى. قازاقستان قارۋلى كۇشتەرىندە 8230 پروفيلاكتيكالىق شارالار ءوتتى. قابىلدانعان شارالاردىڭ ناتيجەسىندە 2019 جىلى جەمقورلىققا قاتىستى قىلمىستىڭ سانى وتكەن جىلمەن سالىستىرعاندا 76% تومەندەگەن.
اعىمداعى جىلى جەمقورلىققا قارسى ارەكەت جايىنداعى زاڭنامانى ورىنداۋدى باقىلاۋ بويىنشا قورعانىس مينيسترلىگى كوميسسياسى 6 وتىرىس وتكىزىپ, ناتيجەسىندە اسكەرگە شاقىرۋ, مەملەكەتتىك قىزمەت كورسەتۋ مەن مەملەكەتتىك ساتىپ الۋ, اسكەري باسقارۋ ورگاندارىنىڭ قىزمەتى سالاسىندا 25 ۇسىنىلىمدار ەنگىزىلدى.
قورعانىس مينيسترلىگىنىڭ كوشپەلى توبى سەمەي, الماتى, تاراز, قاراعاندى جانە اتىراۋ گارنيزوندارىندا سىبايلاس جەمقورلىققا قارسى زاڭنامانىڭ تالاپتارىن جەتكىزدى. تاجىريبە الماسۋ شەڭبەرىندە قازاقستان رەسپۋبليكاسىنىڭ قك جانە رف اسكەري پوليتسيا ورگاندارىنىڭ لاۋازىمدى تۇلعالارىمەن كەزدەسۋلەر وتكىزىلدى. اسكەري جوعارى وقۋ ورىندارى مەن كادەت كورپۋسىن وقىتۋ باعدارلاماسىنا جاڭا ءتارتىپ ەنگىزىلدى, ول اسكەري قۇقىق جانە سىبايلاس جەمقورلىققا قارسى مادەنيەت نەگىزدەرى.