قازاقستان رەسپۋبليكاسى ۇكىمەتىنىڭ قاۋلىسىمەن ميراس مۇحتار ۇلى داۋلەنوۆ قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى لاۋازىمىنا تاعايىندالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
ميراس داۋلەنوۆ 1983 جىلى شىعىس قازاقستان وبلىسى وسكەمەن قالاسىندا دۇنيەگە كەلگەن. س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن تامامداعان, قۇقىقتانۋ ماگيسترى, قۇقىق سالاسىنداعى دوكتور (PhD).
ەڭبەك جولىن 2003 جىلى باستاعان. ءارتۇرلى جىلدارى زاڭگەر رەتىندە جەكە سەكتوردا جۇمىس ىستەگەن.
2012 جىلعى تامىزدا «قازاق گۋمانيتارلىق زاڭ ۋنيۆەرسيتەتى» اق حالىقارالىق قۇقىق جانە حالىقارالىق قاتىناستار كافەدراسىنىڭ مەڭگەرۋشىسى لاۋازىمىنا تاعايىندالدى.
2015-2018 جىلدارى — م. س. نارىكباەۆ اتىنداعى كازگيۋ ۋنيۆەرسيتەتىنىڭ س. زيمانوۆ اتىنداعى ىرگەلى جانە قولدانبالى زەرتتەۋلەر اكادەمياسىنىڭ ديرەكتورى – باسقارما توراعاسىنىڭ ورىنباسارى.
2018 جىلدان باستاپ قازىرگى تاڭعا دەيىن — م. س. نارىكباەۆ اتىنداعى كازگيۋ ۋنيۆەرسيتەتىنىڭ س. زيمانوۆ اتىنداعى قۇقىقتىق جانە ەكونوميكالىق زەرتتەۋلەر اكادەمياسىنىڭ ديرەكتورى – پروۆوست.