وبلىس ورتالىعىنداعى كىتاپحانا ماماندارىنىڭ ايتۋىنشا, وڭىردەگى كىتاپحانالىق قىزمەت تە زامان وزگەرىسىنە بەيىمدەلۋدە.
جەرگىلىكتى تۇرعىندارعا كىتاپحانا قىزمەتى تولىق قولجەتىمدى, ءتيىمدى بولۋ بارىسىندا «بيبليوتەراپيا» جوباسى ىسكە استى.
بۇل جوبانىڭ نەگىزگى ماقساتى – كىتاپتى ءار وقىرمانعا جەتكىزۋ.
قىزمەتتىڭ قولجەتىمدىلىگى ارتادى, سۇرانىستاردى ۋاقىتىندا جانە جەدەل ورىنداۋ مۇمكىندىگى تۋادى, اقپاراتتىلىعى جانە مازمۇنىنىڭ تەرەڭدىگى ارتادى دەگەن سەنىم بار. سونىمەن بىرگە «وتباسى جىلۋى» جانە «ۇرپاقتار ديالوگى», «كىتاپ قورىن بىرگە جاسايمىز» جوبالارى جۇزەگە اسىرىلۋدا.
جوبانىڭ ماقساتى – كىتاپ قورىن وقىرماننىڭ سۇرانىسىنا بايلانىستى تولىقتىرۋ.جاستارعا ارنالعان «ZhaStar» جوباسى شەڭبەرىندە كىتاپحانا بارلىق توپتاعى جاستاردى بىرىكتىرىپ, ولاردىڭ ءار سالاداعى, ونەردەگى, عىلىم جانە بيزنەستەگى جەتىستىكتەرىن كورسەتۋدە. كىتاپحانادا Web-رابيس باعدارلاماسىنىڭ 5 ءمودۋلى دە, ياعني, «كىتاپ قورىن تولىقتىرۋ», «كاتالوگيزاتور», «ىزدەۋ جانە تاپسىرىس بەرۋ», «كىتاپ بەرۋ» جانە «وقىرمانداردى تىركەۋ» جۇيەلەرى وقىرماندارعا قىزمەت كورسەتۋدە.
مىسالى «س.تورايعىروۆ اتىنداعى وبلىستىق كىتاپحانا باسپا بەتتەرىندە», «ەسىمدەردىڭ شوقجۇلدىزى», ء«وڭىر عالىمدارى» تسيفرلىق ەنتسيكلوپەدياسى», ء«وڭىردىڭ ادەبي كارتاسى», «سۇلتانماحمۇت تورايعىروۆ» ۆيرتۋالدى كىتاپحاناسى», «پاۆلودار ءوڭىرىنىڭ قازىرگى اۆتورلارى» QR-كىتاپحاناسى جوبالارى جالعاسۋدا.
ولكەتانۋ جايىندا ادەبيەتتەردى ساندىق جۇيەگە كەلتىرىپ, سيرەك جانە باعالى كىتاپتاردىڭ ەلەكتروندىق كوللەكتسيالارى دايىندالۋدا. ينتەرنەت جۇيەسىن پايدالانىپ, بەينەكونفەرەنتسيالار, ونلاين رەجيمىندە ۆەبينارلار وتكىزۋ داستۇرگە اينالىپ وتىر. رەسپۋبليكا جانە ەلدەن تىس جەردە وتەتىن شارالارعا قاشىقتىقتان قاتىسۋ وقىرماندارىمىزعا كەرەكتى اقپاراتتار الۋدا. ويتكەن, كىتاپحانالار قازىرگى تۇبەگەيلى وزگەرىستەرگە بەيىمدەلۋدە.
اقپاراتتىق زامان-كىتاپحاناعا دا جاڭا مىندەتتەر مەن ماقساتتار جۇكتەۋدە.
-ال, قازىرگى جاستار, جاسوسپىرىمدەر كىتاپ وقۋدان قالىپ, زاماناۋي «گادجەتتەرگە» تاۋەلدى بولۋدا. ء بىزدىڭ ماقسات - كىتاپحانادا داستۇرلىلىك پەن جاڭاشىلدىقتى ساقتاپ قالىپ, بارلىق جاعدايدى جاساۋ. عالامدىق جاڭا تەحنولوگيالاردى پايدالانا وتىرىپ, ءداستۇرلى كىتاپ وقۋ مادەنيەتىن جوعالتپاۋ. وقىرمانىمىزدى كوبەيتۋ ءۇشىن كىتاپحاناعا كەلگەن پايدالانۋشىعا بارلىق جاعدايدى جاسالۋدا, دەيدى وبلىستىق كىتاپحانا ماماندارى.
ال, كىتاپحانالىق سالانى مودەرنيزاتسيالاۋ جانە كىتاپحانا مامانىنىڭ ساناسىن وزگەرتۋ, كىتاپحانالىق كەڭىستىكتى جاساپ, ينتەللەكتۋالدى ورتانى قالىپتاستىرۋ باعىتىنا بەت بۇرۋ - زامان تالابى.