وڭىرىمىزدە قىسقى تۋريزم ماۋسىمى اشىلدى. باياناۋىلداعى مىرزاشوقى تاۋ-شاڭعى كەشەنىنىڭ قۇرىلىسى ءالى جۇرگىزىلۋدە.
سوندا دا بولسا, تاۋ باۋرايىنا قىسقى سەرۋەندى, سپورتتى سۇيەتىن كوپشىلىك جينالىپ, بيىلعى ماۋسىمنىڭ اشىلۋىن اتاپ ءوتتى.
قۇماي تازىلاردىڭ كورمەسى, قاردان جاسالعان مۇسىندەر بايقاۋى ۇيىمداستىرىلدى.
كوپشىلىك ارباعا جەگىلگەن يتتەردىڭ جارىسىن دا تاماشالادى. جەڭىمپازدار اقشالاي جانە باعالى سىيلىقتارعا يە بولدى. تاۋ بوكتەرىندە ءان دە اۋەلەدى. بوي جىلىتىپ, كوپشىلىك بي دە بيلەدى
كەشەن اپتاسىنا التى كۇن تاڭعى 10.00-دەن كەشكى 17.00-گە دەيىن جۇمىس ىستەيدى.
كەشەن باسقارۋشى كومپانيا يەلىگىنە وتكىزىلگەن. تاۋ ەتەگىندە جانە شىڭىندا تاماقتاناتىن, جىلىناتىن ورىندار, دارەتحانالار سالىنعان.
كىرەبەرىس جولعا قيىرشىقتاس توسەلدى, كەلەسى جىلى اسفالتتالادى. سەنىمدى باسقارۋعا العان كومپانيا اۋىل تۇرعىندارىنا جۇمىس ورىندارى اشتى.
ال, ارقان جولى كۇنىنە 1500 ادامدى ارلى-بەرلى تاسۋدا.
كاسىبي شاڭعىشىلارعا 1200, 1000, 800 مەترلىك شاڭعى جولدارى جاسالعان. شاڭعى تەبۋدى ەندى ۇيرەنىپ جۇرگەندەرگە جەكە جول بار.
بۋگەلدىك كوتەرگىش تە ورناتىلىپتى. شاڭعى, سنوۋبوردتار جالعا بەرىلۋدە.
ال, اۋدان اكىمدىگىنىڭ مالىمەتىنشە, پاۆلودار, باياناۋىلدى قاراعاندىمەن بايلانىستىراتىن تاس جول جوندەلگەن.
بىراق, مىرزاشوقىعا اپاراتىن 1,4 شاقىرىم جول جوندەلمەگەن قالپى. دەمالىس ۇيلەرى دە قىسقى مەرزىمگە بىرتىندەپ كوشۋدە.
باياناۋىلدىقتار مىرزاشوقى ماڭىندا دەمالىس ۇيلەرىن سالاتىن ينۆەستورلاردى كۇتۋدە.
سونىمەن قاتار سۋ قۇبىرى كەلەسى جىلى تارتىلماق.
-سۋ قۇبىرى تارتىلسا, تابيعاتتان تاۋەلدىلىكتەن ارىلامىز. ياعني, جاساندى قار جاساۋ مۇمكىن بولادى,- دەيدى ماماندار.
ويتكەنى, كەشەن اشىلعالى بەرى مىرزاشوقىنىڭ باسىنا قار تۇسپەي تۇر.
ءتۇسۋى دە ەكى تالاي-اۋ. ءبىز ادامدار قۇرىلىس سالاردا ءبىر ويلانبايمىز. قاسيەتتى تاۋدىڭ تابيعي قۇدىرەتىنە ساي وزىندىك بۇعىپ جاتقان قۇپياسىن بۇلدىرمەگەن دە دۇرىس شىعار, بالكىم؟!