شايبالى حوككەيدەن چەحيادا ءوتىپ جاتقان (U-20) جاستار اراسىنداعى الەم بىرىنشىلىگىنىڭ ەكىنشى كەزدەسۋىندە قازاقستان قۇراماسى سلوۆاكيادان جەڭىلىپ قالدى.
ءبىرىنشى كەزەڭدە قوس قۇراما ويىنشىلارى ءبىر-ءبىرىنىڭ قاقاپاسىنا گول سوعا الماعانىمەن, ەكىنشى كەزەڭنىڭ 25-مينۋتىندا سلوۆاكيالىقتار العا شىقتى. ارادا ءتورت مينۋت وتكەندە جەرلەستەرىمىز تارازى باسىن تەڭەستىرىپ كەتتى. گولدىڭ اۆتورى – ماكسيم مۋسوروۆ. ەستەرىڭىزدە بولسا, مۋسوروۆ شۆەيتسارياعا قارسى وتكەن العاشقى ويىندا دۋبل اۆتورى اتانعان بولاتىن.
ءۇشىنشى كەزەڭدە ءبىزدىڭ حوككەيشىلەر ءتاۋىر ويىن ورنەگىن كورسەتكەنىمەن, ماتچتىڭ اياقتالۋىنا ءۇش مينۋت قالعاندا ەكى شايبا وتكىزىپ الىپ, جەڭىستى قولدان بەرىپ قويدى. قورىتىندى ەسەپ – 3:1. جارىستىڭ تۇساۋكەسەر كەزدەسۋىندە قازاقستاننىڭ حوككەيشىلەرى شۆەيتساريا قۇراماسىنان 3:5 ەسەبىمەن ۇتىلعان بولاتىن. كەشە وتانداستارىمىز فينليانديا حوككەيشىلەرىمەن كەزدەستى.