مەملەكەت باسشىسى قاسىم-جومارت توقاەۆتىڭ 2019 جىلعى 13 ماۋسىمداعى جارلىعىمەن قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى قۇرىلدى. اگەنتتىك سىبايلاس جەمقورلىققا قارسى ءىس-قيمىلدا ەرەكشە كەشەندى قۇزىرەتتەرگە يە بولعان, ازاماتتار مەن مەملەكەتتىك ينستيتۋتتاردى جەمقورلىقتان قورعايتىن اشىق, كاسىبي جانە ءتيىمدى قۇقىق قورعاۋ ورگانى بولىپ, ءتيىستى شارالار قابىلداۋدا.
ءبىزدىڭ ميسسيامىز – «قازاقستان حالقىنىڭ يگىلىگى ءۇشىن سىبايلاس جەمقورلىقتى تۇبەگەيلى جويۋ». ونى ىسكە اسىرۋ جۇمىستىڭ جاڭا تاسىلدەرى مەن قۇرالدارىن قاجەت ەتەدى. سوندىقتان دا ءبىز تاسىلدەردى, قالىپتى جۇمىس ىستەۋدىڭ تۇتاس تىزبەگىن وزگەرتۋدەمىز. جۇمىستىڭ بارلىق باعىتى وزگەرۋدە. ءبىز وزىق تاجىريبەگە سۇيەنە وتىرىپ, اگەنتتىكتە پاراساتتىلىق, پرەۆەنتسيا جانە سەرىكتەستىك دەپ اتالاتىن ءۇش جاڭا دەپارتامەنت قۇرۋ تۋرالى شەشىم قابىلدادىق. ءبىزدىڭ بارلىق باستامالارىمىز ايقىن قۇندىلىقتارىمىزدىڭ پريزماسى ارقىلى جۇزەگە اسىرىلادى. بۇل – ادىلدىك, پاراساتتىلىق جانە سەنىم.
ءال-فارابي ايتقانداي «باقىتتىڭ ءمانى – پاراساتتىلىقتا, اركىمنىڭ ءوز الدىنا يگىلىكتى ماقسات قويا بىلۋىندە, ول ماقساتپەن كەزدەيسوق راحات ءۇشىن ەمەس, ادامنىڭ ءوز مىنەز-قۇلقىن, ءىس-ارەكەتىن ەرىكتى تۇردە وزگەرتىپ, ىزگىلىككە باعىتتاپ وتىرۋىندا».
سىبايلاس جەمقورلىققا قارسى مادەنيەتتى قالىپتاستىرۋ ماقساتىندا سىبايلاس جەمقورلىققا قارسى ءىس-قيمىل اگەنتتىگىنىڭ اتىراۋ وبلىسى بويىنشا دەپارتامەنتى «اتىراۋ – ادالدىق الاڭى» جوبالىق كەڭسەسىمەن بىرىگىپ, بەلسەندى جۇمىس اتقارۋدا. باستى ماقسات – تۇرمىستىق سىبايلاس جەمقورلىقتى جويۋ جانە ازاماتتار ءۇشىن قولايلى جاعداي جاساۋ.
بۇگىنگى كۇنى ءبىزدىڭ وبلىس كولەمىندەگى بارلىق 7 اۋداندا جانە اۋىلدىق وكرۋگتەردە جوبالىق كەڭسەلەر اشىلىپ, سىبايلاس جەمقورلىققا قارسى مادەنيەتتى قالىپتاستىرىپ, مەملەكەتتىك بيلىك ينستيتۋتتارىنا ازاماتتاردىڭ سەنىمىن نىعايتۋ باعىتى مەن ادىلدىك, پاراساتتىلىق جانە سەنىم سەكىلدى باستى قۇندىلىقتاردى ناسيحاتتاپ كەلەدى.
اتاپ ايتساق, جىل باسىنان بەرى جوبالىق كەڭسە الاڭىندا مەملەكەتتىك ورگانداردىڭ ءبىرىنشى باسشىسىنىڭ قاتىسۋىمەن قوعامدىق قابىلداۋ, كەزدەسۋ, سەمينار, اشىق ديالوگتار ءوتتى. سونداي-اق اتىراۋ وبلىسىندا 312 مەكەمە باسشىسى ءبىرىنشى قاباتقا كوشىرىلىپ, «Open Space» فورماتىنا 41 مەكەمە باسشىسى اۋىستى.
اتقارىلىپ جاتقان جۇمىستار از ەمەس. ونىڭ ىشىندە جاستارمەن جۇرگىزگەن جۇمىستاردى ەرەكشە اتاپ وتكەن ءجون. «جاستارى جالىن جۇرەكتى, ءورشىل نامىستى, بيىك رۋحتى بولسا, ول ەلدىڭ ەڭسەسى دە بيىك. ءورشىل, نامىسشىل جاس وتانشىل, پاتريوت كەلەدى, حالقىنا, ءوز ۇلتىنا ادال قىزمەت ەتۋگە ۇمتىلادى», دەپ تۇڭعىش پرەزيدەنتىمىز نۇرسۇلتان نازارباەۆ اتاپ وتكەن بولاتىن. بۇل باعىتتا وبلىسىمىزدا دەپارتامەنتپەن «ىزگىلىك ەلشىسى» جوباسى اياسىندا ۆولونتەرلەرمەن كەزدەسۋلەر, «ادالدىڭ ءىسى» سىبايلاس جەمقورلىققا قارسى ونلاين-كۆەست, ء«وزىڭ وقى دا وزگەگە ۇسىن» جاستار اراسىندا بۋككروسسينگ شاراسى, نازارباەۆ زياتكەرلىك مەكتەبى وقۋشىلارىمەن «بارلىعى ءوزىڭنىڭ قولىڭدا» اتتى موتيۆاتسيا كەشى, «بولاشاعىڭ ءوز قولىڭدا» اتتى وبلىستىق وتباسى ۇلگىسىندەگى بالالار اۋىلى تاربيەلەنۋشىلەرىنىڭ بولاشاق كاسىپتەرىمەن تانىسۋ ماقساتىندا ەكسكۋرسيا, سىبايلاس جەمقورلىققا قارسى ادالدىق ساعاتتارى, «ادال ۇرپاق – ەل بولاشاعى» دەبات, كوۋچينگ فورماتىنداعى «ادامنىڭ ۇياتى بەتىندە – ادامگەرشىلىگى نيەتىندە», تاربيە ساعاتتارى, سۋرەت بايقاۋى, «ادال ۇرپاق» كلۋبى مۇشەلەرىنىڭ سلەتى جانە ت.ب شارالار.
ەرەكشە اتاپ وتەر جايت, سىبايلاس جەمقورلىققا قارسى كۇرەستە كوپ نارسە بۇكىل قوعامنىڭ بەلسەنە اتسالىسۋىنا بايلانىستى. الەۋمەتتىك جەلىنىڭ, وزگە دە مەديا-رەسۋرستاردىڭ دامۋى جاعدايىندا, سىبايلاس جەمقورلىققا قارسى ءىس-ارەكەت بارىسىندا ونى جالپى جۇرتشىلىقتىڭ جەك كورۋى, جالپى قوعامنىڭ قارسىلىعى ونىمەن كۇرەستىڭ قۋاتتى قۇرالىنا اينالۋى ءتيىس. سوندا عانا جەمقورلىققا قارسى كۇرەستەن ناتيجە شىعادى. سىبايلاس جەمقورلىقتىڭ مەملەكەتتىڭ باسەكەگە قابىلەتتىلىگىن ەداۋىر تومەندەتەتىنى, قوعامدا دەموكراتيالىق قايتا قۇرۋلاردى جۇزەگە اسىرۋدى تەجەيتىنى, ەلدىڭ حالىقارالىق بەدەلىنە كولەڭكە تۇسىرەتىنى ايقىن نارسە. سوندىقتان سىبايلاس جەمقورلىققا قارسى كۇرەسۋ بارلىق قازاقستان رەسپۋبليكاسى ازاماتتارىنىڭ ازاماتتىق بورىشى دەپ ءبىلۋ كەرەك.
سونداي-اق «مەملەكەتتىك قىزمەت جانە سىبايلاس جەمقورلىققا قارسى ءىس-قيمىل ماسەلەلەرى بويىنشا قازاقستان رەسپۋبليكاسىنىڭ كەيبىر زاڭناما اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭعا ەنگىزىلگەن جاڭاشىلدىقتار تۋرالى ايتا كەتكەن ءجون. وسى زاڭنىڭ قابىلدانۋىمەن قازاقستاندا سىبايلاس جەمقورلىققا قارسى ءىس-قيمىلدىڭ جاڭا كەزەڭى باستالدى دەگەن ويدامىن. تاۋەلسىز قازاقستان تاريحىندا تۇڭعىش رەت باسشىلاردىڭ قول استىنداعى قىزمەتكەرلەرى ءۇشىن جاۋاپكەرشىلىگى زاڭنامالىق دەڭگەيدە بەكىتىلدى.
اتالعان زاڭ مەملەكەتتىك قىزمەتشىلەردىڭ جاۋاپكەرشىلىگىن ارتتىرۋعا جانە مەملەكەتتىك ورگانداردا كادرلاردى ىرىكتەۋ جۇيەسىن جالپى جەتىلدىرۋگە مۇمكىندىك بەرەدى. سونداي-اق مەريتوكراتيا قاعيداتتارىن نىعايتۋ جانە حالىقتىڭ مەملەكەتتىك قىزمەتكە دەگەن سەنىمىن ارتتىرادى.
سونىمەن قاتار «مەملەكەتتىك قىزمەت جانە سىبايلاس جەمقورلىققا قارسى ءىس-قيمىل ماسەلەلەرى بويىنشا قازاقستان رەسپۋبليكاسىنىڭ كەيبىر زاڭناما اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭعا سايكەس, نورماتيۆتىك قۇقىقتىق اكتىلەردىڭ جوبالارىنا سىبايلاس جەمقورلىققا قارسى ساراپتاما وتكىزۋ ەنگىزىلدى.
«بۇل مەحانيزم زاڭنامالىق جانە نورماتيۆتىك قۇقىقتىق اكتىلەردى ازىرلەۋ ساتىسىندا ىقتيمال سىبايلاس جەمقورلىق تاۋەكەلدەرىن انىقتاۋعا جانە جويۋعا مۇمكىندىك بەرەدى. مۇنداي تاپسىرمانى مەملەكەت باسشىسى ءوزىنىڭ قازاقستان حالقىنا جولداۋىندا قويدى. ءتيىستى ەرەجەلەر تەتىكتەردى ازىرلەۋ كەزىندە ەسكەرىلەدى. بارلىق ساراپتامالىق پىكىرلەر كوپشىلىككە قولجەتىمدى بولادى.
نىعمەدجان ساپاروۆ,
سىبايلاس جەمقورلىققا قارسى ءىس-قيمىل اگەنتتىگى اتىراۋ وبلىسى بويىنشا دەپارتامەنتىنىڭ باسشىسى