التاي كولگىنوۆ الماتى قالاسىنىڭ ماڭىندا بولعان ۇشاق اپاتىنان قازا تاپقان جانداردىڭ وتباسىلارىمەن كەزدەستى. بۇل تۋرالى قالا باسشىسىنىڭ ءباسپاسوز حاتشىسى اقمارال ولجاباەۆا Facebook پاراقشاسىنا جازدى.
التاي كولگىنوۆ دانا كرۋگلوۆا مەن ارمان يسينانىڭ وتباسىلارىنا كوڭىل ايتتى.
قالا اكىمدىگى جەرلەۋ ءراسىمىن ۇيىمداستىردى. قازا تاپقانداردىڭ تۋىسقاندارى مەن جاقىندارىنا پسيحولوگيالىق كومەك كورسەتىلىپ جاتىر.
مەملەكەت باسشىسىنىڭ تاپسىرماسىنا سايكەس قازا تاپقانداردىڭ وتباسىلارىنا 4 ملن تەڭگە اقشالاي كومەك كورسەتىلەدى. رۇستەم قايداروۆ, دانا كرۋگلوۆا جانە ارمان يسينامەن قوشتاسۋ ءراسىمى بۇگىن ساعات 10-دا باستالدى.