2020 جىلدىڭ 10 قاڭتارىنا دەيىن الماتى تۇبىندەگى ۇشاق اپاتىنىڭ سەبەبى جاريا ەتىلەدى. بۇل تۋرالى ورتالىق كوممۋنيكاتسيالار قىزمەتىنىڭ ءباسپاسوز الاڭىندا يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك كاماليەۆ ايتتى.
«قاسىم-جومارت توقاەۆتىڭ تاپسىرماسىنا سايكەس, 10 قاڭتارعا دەيىنگى مەرزىمدە ۇكىمەتتىك كوميسسيا اۋە اپاتىنىڭ الدىن الا سەبەپتەرىن جاريا ەتەتىن بولادى. سونىمەن قاتار وسىعان دەيىن ايتىپ وتكەنىمدەي, بۇگىن مەملەكەتارالىق اۆياتسيا كوميتەتىنىڭ ساراپشىسى كەلەدى. ەكيپاجعا قاتىستى ايتار بولسام, ۇشۋلار تۋرالى ەرەجەگە سايكەس, اۋە كەمەسى ۇشۋ الدىندا ولار مەديتسينالىق تەكسەرۋدەن وتەدى. ولار مەديتسينالىق تەكسەرۋدەن الماتى قالاسى اۋەجايىنىڭ مەديتسينالىق پۋنكتىنەن وتكەن»,- دەدى بەرىك كاماليەۆ.
اپاتقا ۇشىراعان «Fokker-100» ۇشاعى سوڭعى رەيسىن 25 جەلتوقسان كۇنى اتىراۋ-الماتى باعىتىندا ورىنداعان ەكەن.