الماتى وبلىسىندا اپاتقا ۇشىراعان ۇشاقتىڭ قارا جاشىگى مەملەكەتارالىق اۆياتسيا كوميتەتىنە بەرىلەدى. بۇل تۋرالى ورتالىق كوممۋنيكاتسيالار قىزمەتىنىڭ ءباسپاسوز الاڭىندا يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك كاماليەۆ ايتتى.
«كەشە قر پرەمەر-ءمينيسترىنىڭ ورىنباسارى رومان سكليار مەملەكەتارالىق اۆياتسيا كوميتەتىنىڭ توراعاسىمەن سويلەستى. ۋاعدالاستىق بولدى, بۇگىن كەشكىسىن, ساعات 18-40-تا ماسكەۋدەن الماتىعا ساراپشى ۇشىپ كەلىپ, جۇمىسقا كىرىسەدى. جەدەل تەرگەۋ توبى جۇمىس ىستەپ جاتىر. جەدەل تەرگەۋ توبى اۋە كەمەسى بورتىنىڭ وزدىگىنەن جازۋ قۇرالىن الدى. ەرتەڭ ءبىز قارا جاشىكتى ءمان-جايدى انىقتاۋ ءۇشىن ماسكەۋ قالاسىنداعى مەملەكەتارالىق اۆياتسيا كوميتەتىنە بەرەمىز», - دەدى بەرىك كاماليەۆ.
ۆيتسە-ءمينيستردىڭ ايتۋىنشا, قارا جاشىكتەگى جازبالاردى زەرتتەۋ جۇمىستارى دۇيسەنبى باستالادى.