الماتى اكىمى باقىتجان ساعىنتاەۆ ۇشاق اپاتى بولعان جەرگە باردى. بۇل تۋرالى اكىمنىڭ ءباسپاسوز حاتشىسى اسەت مۇقاجانوۆ Instagram پاراقشاسىندا جازدى.
«بەك ەير» اۋە كومپانياسىنا تيەسىلى «فوككەر-100» ۇشاعىنىڭ قۇلاعان جەرىنە قالا اكىمى باقىتجان ساعىنتاەۆ باردى. قالا باسشىسى ىزدەستىرۋ قۇتقارۋ جۇمىستارىن باقىلادى. ودان شىعىپ الماتى اۋەجايىنىڭ تەرمينالىن ارالاپ شىقتى. سودان كەيىن №4 اۋرۋحانا مەن شۇعىل مەديتسينالىق كومەك كورسەتۋ اۋرۋحاناسىنا, بالالارعا شۇعىل مەديتسينالىق كومەك كورسەتۋ ورتالىعىنا بارىپ, زارداپ شەككەن ادامداردىڭ حالىن ءبىلدى. قالا باسشىسى قازا بولعانداردىڭ وتباسىنا قايعىسىنا ورتاقتاسىپ كوڭىل ايتتى» دەدى اسەت مۇقاجانوۆ.
ايتا كەتەيىك, بۇعان دەيىن الماتى-نۇر-سۇلتان باعىتى بويىنشا «بەك ەير» اۋە كومپانياسىنىڭ №Z2100 رەيسى ۇشىپ كوتەرىلۋ كەزىندە بيىكتىكتەن ايىرىلىپ, بەتوندى قورشاۋدى سىندىرعانىن حابارلاعان بولاتىنبىز.
ەكى قاباتتىق عيمارات ۇيمەن قاقتىعىس بولدى. دەرەۋ قۇتقارۋ جۇمىستارى باستالدى, ءورت بولعان جوق. جولاۋشىلاردى جانە اۋە كەمەسىنىڭ ەكيپاجىن ەۆاكۋاتسيالاۋ جۇزەگە اسىرىلۋدا. قازىرگى ۋاقىتتا قازا بولعانداردىڭ سانى 7 ادامدى قۇرايدى.
الماتىدا قۇلاعان ۇشاق ءىسى بويىنشا پرەمەر-ءمينيستردىڭ تاپسىرماسى بويىنشا پرەمەر-ءمينيستردىڭ ورىنباسارى باستاعان ۇكىمەتتىك كوميسسيا قۇرىلدى. كوميسسيا قۇرامىندا يندۋستريا جانە ينفراقۇرىلىمدىق دامۋ ءمينيسترى جانە باسقا دا مەملەكەتتىك ورگانداردىڭ وكىلدەرى بار. كوميسسيا وقيعا ورنىنا ۇشىپ شىعادى.
وقيعانىڭ ەگجەي-تەگجەيلى جاعدايلارى مەن سەبەپتەرى انىقتالادى. الدىن الا مالىمەتتەر بويىنشا, بورتتا 95 جولاۋشى, 5 ەكيپاج مۇشەسى بولعان.