قازاقستان رەسپۋبليكاسى ۇكىمەتىنىڭ قاۋلىسىمەن جۇماباي عابباس ۇلى قاراعاەۆ قازاقستان رەسپۋبليكاسىنىڭ ەنەرگەتيكا ۆيتسە-ءمينيسترى قىزمەتىنە تاعايىندالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
جۇماباي قاراعاەۆ 1971 جىلى اتىراۋ وبلىسىندا دۇنيەگە كەلگەن. گۋبكين اتىنداعى ماسكەۋ ۋنيۆەرسيتەتىنىڭ «مۇناي جانە گاز كەن ورىندارىن يگەرۋ جانە پايدالانۋ» ماماندىعى بويىنشا تۇلەگى, تەحنيكا عىلىمدارىنىڭ كانديداتى.
ج. قاراعاەۆتىڭ مەملەكەتتىك قىزمەتتە جانە جەكە سەكتوردا 19 جىلدىق ەڭبەك ءوتىلى بار. ءتۇرلى جىلدارى اتىراۋ جانە ماڭعىستاۋ وبلىستارىنداعى بىرقاتار جەكە كومپانيالاردى, اتىراۋ اكىمدىگىنىڭ تكش, جولاۋشىلار كولىگى جانە اۆتوموبيل جولدارى ءبولىمىن باسقارعان.
اتىراۋ قالاسى اكىمىنىڭ ورىنباسارى قىزمەتىن اتقاردى. اتىراۋ وبلىسىنىڭ مەملەكەتتىك ساتىپ الۋلار باسقارماسىنىڭ باسشىسى, اتىراۋ وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى لاۋازىمدارىن اتقاردى. اتىراۋ وبلىسى ماقات اۋدانىنىڭ اكىمى لاۋازىمىندا بولدى.
وسى جىلدىڭ قىركۇيەگىنەن باستاپ اتىراۋ وبلىسى اكىمىنىڭ ورىنباسارى بولىپ جۇمىس ىستەدى.