كەنشىلەر استاناسىندا «بولاشاقتىڭ قالاسى» اتتى تاقىرىپ بويىنشا كومپيۋتەرلىك گرافيكادان وبلىستىق بايقاۋ ءوتتى. ەكى كەزەڭنەن تۇرعان سايىسقا 7-9-شى سىنىپ وقۋشىلارى قاتىسىپ, باق سىنادى.
بالالاردىڭ شىعارماشىلىق قابىلەتىن دامىتۋ, اقپاراتتىق تەحنولوگيالاردى قولدانۋعا دەگەن قىزىعۋشىلىعىن ارتتىرۋدى ماقسات ەتكەن بايقاۋدىڭ شارتى بويىنشا ۇمىتكەرلەر Adobe Photoshop نەمەسە CorelDRAW باعدارلامالارىندا بولاشاق قالالاردىڭ بەينەسى بار پوستەر جاساۋى ءتيىس بولدى.
قازىلار القاسىنىڭ شەشىمى بويىنشا قاراعاندى قالاسىنداعى № 23 جببوم وقۋشىسى اسىلحان جامەلوۆ باس جۇلدەنى جەڭىپ الدى. ەكىنشى جۇلدەگە يۋ.پاۆلوۆ اتىنداعى №35 وم وقۋشىسى ايبوتا يگىباي يە بولسا, وبلىس ورتالىعىنداعى № 59 جببوم وقۋشىسى كونستانتين سوروكين جۇلدەلى ءۇشىنشى ورىندى قاناعات ەتتى.