تالدىقورعان قالاسىندا پرەزيدەنتتىك شىرشا مەرەكەسى ءوتتى. مەرەكەلىك شاراعا وبلىستىڭ تۇكپىر-تۇكپىرىنەن 200 بالا قاتىستى.
ولاردىڭ دەنى اتا-اناسىنىڭ قامقورلىعىنسىز قالعان بالالار, جەتىم بالالار, از قامتىلعان وتباسىنىڭ بالالارى, ۇزدىك وقيتىن, رەسپۋبليكالىق جانە حالىقارالىق وقۋشىلار وليمپيادالارىندا, سپورتتىق جارىستاردا جەتىستىككە جەتكەن ورەندەر بولدى.
بالدىرعاندارعا «التىناي», «تالدىقورعان اۋەندەرى» ءان-بي انسامبلدەرىنىڭ جانە قاپشاعاي قالالىق بالالار شىعارماشىلىعى ورتالىعىنىڭ ونەرپازدارى كوڭىلدى كۇي سىيلاپ, تالدىقورعانداعى №42 بالاباقشانىڭ بۇلدىرشىندەرى تاقپاق ايتىپ, جاڭا جىلدىق شاشۋ شاشتى.