«ماڭعىستاۋ – ادالدىق الاڭى» جوبالىق كەڭسەسىندە قوعامدىق قابىلداۋ ءوتتى. وندا وبلىستىق ەكولوگيا دەپارتامەنتىنىڭ باسشىسى رۋسلان توكەنوۆ, «باتىسقازجەرقويناۋى» وڭىرارالىق دەپارتامەنتى ماڭعىستاۋ وڭىرلىك ينسپەكتسياسىنىڭ جەتەكشىسى الماگۇل كەلبەت پەن ماڭعىستاۋ وبلىستىق ورمان شارۋاشىلىعى جانە جانۋارلار جۇنيەسى اۋماقتىق ينسپەكتسياسىنىڭ باسشىسىنىڭ مىندەتىن اتقارۋشى عابباس دوساتوۆ تۇرعىنداردى جەكە سۇراقتار بويىنشا قابىلداۋ جۇرگىزدى. بۇل تۋرالى ماڭعىستاۋ وبلىسى ەكولوگيا دەپارتامەنتىنەن حابارلادى.
«ماڭعىستاۋ – ادالدىق الاڭى» جوبالىق كەڭسەسىنىڭ جەتەكشىسى دايراباي ۇسىپباەۆتىڭ ايتۋىنشا, اتالمىش شارا ازاماتتاردىڭ مەملەكەتتىك بيلىك ينستيتۋتتارىنا سەنىمىن ارتتىرۋ, تۇرمىستىق جەمقورلىقتى جويۋ جانە سىبايلاس جەمقورلىقتى قابىلداماۋدىڭ قوعامدىق احۋالىن قالىپتاستىرۋ باعىتىندا ۇيىمداستىرىلدى.
ياعني, وسىنداي باستامالار ارقىلى جەرگىلىكتى اتقارۋشى ورگاندار مەن تۇرعىندار اراسىنداعى بايلانىستى جانداندىرۋ, ءتۇرلى سالالارداعى تۇيتكىلدى ماسەلەلەردى تالقىعا سالۋ ارقىلى شەشۋ جانە مەملەكەتتىك مەكەمەلەردىڭ اشىقتىعىن قامتاماسىز ەتۋ, مەملەكەتتىك كورسەتىلەتىن قىزمەتتەردى وڭتايلاندىرۋ ارقىلى سىبايلاس جەمقورلىق تاۋەكەلدەرىن بولدىرماۋ جانە الدىن الۋعا باعىتتالىپ وتىر.
شارا بارىسىندا تۇرعىندار وزەكتى ماسەلەلەر بويىنشا ءتيىستى مامانداردان تۇشىمدى جاۋاپتار الدى. قوعامدىق قابىلداۋدان سوڭ قورىتىندى جينالىس وتكىزىلىپ, تۇسكەن ۇسىنىس-پىكىرلەر بويىنشا ءتيىستى مەكەمە باسشىلارىنا حاتتار جولداناناتىن بولادى.
-ءبىزدىڭ ميسسيا سىبايلاس جەمقورلىقتى جالپىعا بىردەي توزبەۋشىلىكتى قالىپتاستىرۋ جانە ازاماتتاردىڭ مەملەكەتتىك بيلىك ينستيتۋتتارىنا سەنىمىن ارتتىرۋ بولىپ تابىلادى. بۇل رەتتە تۇرمىستىق سىبايلاس جەمقورلىقتى جويۋ, ازاماتتار ءۇشىن جايلى جاعداي جاساۋ جانە جالپى باقىلاۋدى قامتاماسىز ەتۋ جولىمەن كوزدەگەن ماقساتىمىزعا قول جەتكىزۋگە بولادى. جوبالىق كەڭسە سىبايلاس جەمقورلىقەن كۇرەس ماقساتىندا قۇرىلعانىن ەسكەرەتىن بولساق, الداعى ۋاقىتتا وسىنداي قوعامدىق قابىلداۋلار تۇراقتى تۇردە وتكىزىلەتىن بولادى جانە تۇرعىنداردىڭ وزدەرىن مازالاعان سۇراقتارعا جاۋاپ الۋىنا ەش كەدەرگى بولمايدى, دەيدى دايراباي ۇسىپباەۆ.
ءوز كەزەگىندە ماڭعىستاۋ وبلىستىق ەكولوگيا دەپارتامەنتىنىڭ باسشىسى رۋسلان توكەنوۆ, ءوزى جەتەكشىلىك ەتەتىن ۆەدومستۆادا سىبايلاس جەمقورلىققا قارسى قۇرىلعان «ادالدىق الاڭى» جوبالىق كەڭسەسىنىڭ ءوز جۇمىسىن باستاپ كەتكەندىگىن تىلگە تيەك ەتكىزدى.
«جالپى سىبايلاس جەمقورلىقتى الدىن-الۋ باعىتىندا بىرقاتار جۇمىستار جۇرگىزىلۋدە. «ادالدىق الاڭى» جوبالىق كەڭسەسىنىڭ جۇمىسىن جانداندىرىپ, مەملەكەتتىك ورگانداردىڭ اشىقتىعى مەن قول جەتىمدىلىگىنە كوبىرەك كوڭىل ءبولۋدى كوزدەيمىز. بۇل رەتتە Open space فورماتىندا جۇمىس ىستەگەن دۇرىس دەپ سانايمىز. سونىمەن قاتار, پاراساتتىلىق قاعيداتتارىن قالىپتاستىرۋ ماڭىزدى بولىپ قالا بەرمەك جانە وسى باعىتتا جۇمىس جوسپارىن قۇرىپ, بارلىق مۇددەلى تاراپتارمەن قويان-قولتىق جۇمىس جاساۋعا دايىن ەكەندىگىمىزدى راستايمىز» دەدى ول.
مەملەكەتتىك ورگانداردىڭ باسشىلارى ءوز قىزمەتى تۋرالى ۋاقىتىلى اقپارات بەرۋ ءۇشىن, حالىقپەن كوممۋنيكاتسيانىڭ قازىرگى زامانعى ارنالارىن, اسىرەسە حالىق اراسىندا ەڭ الەۋمەتتىك جەلىلەردى بارىنشا پايدالانا وتىرىپ, ازاماتتاردىڭ سەنىمىن ارتتىرۋ كوڭىل اۋدارۋى قاجەت ەكەندىگى ءسوز بولدى. وسىلايشا جوبالىق كەڭسەگە كەلىپ تۇسەتىن ۇسىنىستار مەن ۇسىنىمدار مۇقيات زەردەلەنىپ, تۇرعىندار اقپاراتتاندىرىلماق.
سونىمەن قاتار الداعى ۋاقىتتا ەكولوگيا دەپارتامەنتىنىڭ جانىنان ساراپشىلىق كەڭەس قۇرۋ جوسپاردا بار. ونىڭ قۇرامىنا ۇكىمەتتىك ەمەس ۇيىمدار جانە بيزنەس-قاۋىمداستىق وكىلدەرى كىرەدى دەپ كۇتىلۋدە.
ماماندار نەگىزىنەن ءۇش باعىتتا جۇمىستاردى كۇشەيتپەك. بىرىنشىدەن, اشىقتىق, تۇتاستىق جانە دايىندىق قاعيداتتارىن ىسكە اسىرۋ ارقىلى سىبايلاس جەمقورلىقتىڭ الدىن الۋ جانە وعان قارسى تۇرۋ. ەكىنشىدەن, ادامداردىڭ ءومىر سۇرۋىنە سۇرۋىنە قولايلى جاعداي جاساۋ ءۇشىن قوعامدىق باقىلاۋدى جۇزەگە اسىرۋ. ال ۇشىنشىدەن, قوعامنىڭ تالداۋى مەن مونيتورينگىنىڭ نەگىزىندە سىبايلاس جەمقورلىققا قارسى ساياساتتى جۇزەگە اسىرۋ بولماق.