انسيدە (فرانتسيا) بياتلوننان الەم كۋبوگىنىڭ ءۇشىنشى كەزەڭى ءوز مارەسىنە جەتتى. جارىس ناتيجەسى بويىنشا, قازاقستان ايەلدەر قۇراما كومانداسى ۇلتتار ليگاسىنداعى ۇزدىك جيىرمالىققا ەندى. بۇل تۋرالى Olympic.kz حابارلادى.
ءبىزدىڭ بياتلونشىلار 1209 ۇپاي جيناپ, الەم كۋبوگىنىڭ ءۇش كەزەڭى بويىنشا 18-ءشى ورىنعا جايعاستى. ءۇش كەزەڭ ناتيجەسى بويىنشا نورۆەگيا (2815 ۇپاي) كوش باستاپ تۇر. شۆەتسيا (2484) قۇراماسى ەكىنشى ورىننان كورىنسە, ۇزدىك ۇشتىكتى رەسەي (2482) سپورتشىلارى قورىتىندىلاپ تۇر.
ال قازاقستان ەرلەر قۇراماسى 876 ۇپايمەن 22-ءشى ورىندا. نورۆەگيالىقتار 2926 ۇپايمەن العا شىقسا, فرانتسيا (2684) ەكىنشى ورىنعا جايعاستى. ال 2453 ۇپايدى ەنشىلەگەن رەسەي مەن گەرمانيا قۇراماسى ءۇشىنشى ورىندى ءوزارا ءبولىسىپ الدى.