ەلوردا اكىمى التاي كولگىنوۆ قابىلداۋعا جازىلعان ازاماتتارمەن كەزدەستى. ەرەكشە قاجەتتىلىكتەرى بار بالالاردى وڭالتۋ, ەلدى-مەكەندەردى دامىتۋ, تۇرعىن ءۇي باعدارلامالارىنا قاتىسۋ ماسەلەلەرى كوتەرىلدى. سونداي-اق تۇرعىن ءۇي كوممۋنالدىق شارۋاشىلىعى, مەديتسينالىق كومەك الۋ بويىنشا سۇراقتار قويىلدى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
يلينكا تۇرعىنى ا.دوسماعامبەتوۆا كوشەلەردى جارىقتاندىرۋ بويىنشا جۇمىستاردىڭ ادال ورىندالماعاندىعىن ايتتى. «جولدى ءالى كۇنگە دەيىن اسفالتتاعان جوق, مەردىگەر ۇيىم جۇمىستار اياقتالاتىن مەرزىمدى اتاماي, ۋاقىتتى جىلجىتۋمەن بولدى» دەپ اتاپ ءوتتى. جۇمىستاردى ورىنداۋمەن «قۇلاگەر» جشس مەردىگەرلىك ۇيىمى اينالىسادى. ەلوردا اكىمى التاي كولگىنوۆ اۋدان اكىمىنە وسى ماسەلەنى باقىلاۋعا الۋدى تاپسىردى.
سونداي-اق قابىلداۋدا ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلاردىڭ ماسەلەلەرى بويىنشا باستاماشىل توپ وكىلدەرى بولدى. بۇدان بۇرىن كەزدەسۋدە وڭالتۋ كومەگىن كورسەتۋ جاعدايىن جاقسارتۋ جانە جاساۋ بويىنشا 70-كە جۋىق ماسەلە تالقىلاندى. سۇراقتاردىڭ باسىم بولىگى شەشىلدى, قالعاندارى بويىنشا جۇمىستار جۇرگىزىلىپ جاتىر. قالادا ەرەكشە قاجەتتىلىكتەرى بار ازاماتتار ءۇشىن 2 وڭالتۋ ورتالىعى, يپپودروم بازاسىندا - يپپوتەراپيامەن اينالىسۋعا ارنالعان جابىق مانەج سالىنادى. جاڭا تۇرعىن ءۇي كەشەندەرىنىڭ ءبىرىنشى قاباتتارىندا ەمحانا, بالاباقشا, وڭالتۋ ورتالىقتارى, پوليتسيا پۋنكتى سياقتى الەۋمەتتىك نىساندار اشىلادى. جىل باسىنان بەرى ينۆاتاكسي سانى 22 ماشينادان 46-عا دەيىن, ەكى ەسە ارتتى.
بەس جارىم اي ىشىندە ەلوردا اكىمى التاي كولگىنوۆ قابىلداۋعا جازىلعان 650-دەن تۇرعىنمەن كەزدەستى. سۇراقتاردىڭ باسىم بولىگى شەشىلدى, قالعاندارى باقىلاۋعا الىندى. سونداي-اق ازاماتتاردى قابىلداۋ اۋداندىق اكىمدىكتەردە جانە «جانۇيا» وتباسى ينستيتۋتىن قولداۋ ورتالىعىندا ءوتىپ جاتىر. 11,4 مىڭنان استام كەڭەس بەرىلدى, 3.5 مىڭنان استام ماسەلە شەشىمىن تاپتى.