ۇلتتىق قوعامدىق سەنىم كەڭەسىنىڭ مۇشەسى, قازاقستان مەديا اليانسىنىڭ توراعاسى ارمانجان بايتاسوۆ بۇگىن ۇلتتىق قوعامدىق كەڭەستىڭ وتىرىسىندا ايتىلعان پرەزيدەنتتىڭ جالا جابۋ تۋرالى باپتى دەكريميناليزاتسيالاۋعا قاتىستى پىكىر ءبىلدىردى.
«جالپى, مەن ءۇشىن بۇل وتىرىس وتە جاقسى اسەر قالدىردى. ماڭىزدى كەزدەسۋ بولدى دەپ سانايمىن. ويتكەنى, ۇلتتىق سەنىم كەڭەسىنىڭ مۇشەلەرى اراسىنداعى, سونداي-اق ءارتۇرلى كوميتەتتەردە تالقىلانعان ۇسىنىستار پرەزيدەنتتىڭ بايانداماسىندا قانداي دا ءبىر تۇردە كورىنىس تاپتى» دەدى ارمانجان بايتاسوۆ.
سونداي-اق ول ساياسي رەفورمالارعا, ونىڭ ىشىندە ساياسي پارتيالارعا جانە ميتينگىلەرگە قاتىستى ەسكەرتۋلەر تۋرالى پىكىر ءبىلدىردى.
ء«بىز قازىر بىرتىندەپ دامىپ جاتقان ەلمىز, رەفورما تۇرعىسىنان العاندا دامۋ ەۆوليۋتسيالىق تۇردە ءجۇرىپ جاتىر. ءبىز ءوزارا كەلىسىمگە كەلىپ, رەفورمالاردىڭ ەڭ دۇرىس جانە تۇسىنىكتى جولدارىن ىزدەستىرىپ جاتىرمىز. بۇل وتە ماڭىزدى» دەپ اتاپ ءوتتى مەديا اليانس باسشىسى.
ونىڭ ايتۋىنشا, قر قىلمىستىق كودەكسى 130-بابىنىڭ (جالا جابۋ) قىلمىستىق سيپات دەپ تانىلماۋى جۋرناليستەر جۇمىسىنىڭ مۇمكىندىكتەرىن كەڭەيتەتىن بولادى.
«130-باپقا قاتىستى ايتار بولسام, جۋرناليست رەتىندە, مەديا سالاسىنىڭ قىزمەتكەرى رەتىندە, قازاقستان مەديا اليانسىنىڭ توراعاسى رەتىندە, ارينە, وسى باپتىڭ قىلمىستىق سيپاتتان الىپ تاستالاتىنى قۋانتادى. ويتكەنى ءسوز بوستاندىعى, مەنىڭ ويىمشا, مەملەكەتتىڭ تۇراقتى دامۋىنا ىقپال ەتەدى. وسى باپتىڭ دەكريميناليزاتسيالانۋى جۋرناليستەردىڭ باتىل جۇمىس ىستەۋىنە مۇمكىندىك بەرەدى. جۋرناليستىك زەرتتەۋلەر قايتا شىعا باستايدى, جۋرناليستەر ساپالى ماتەريالدار دايىنداۋعا ۇمتىلادى. سوسىن ءبىزدىڭ دە جۋرناليستەردى كوپ وقي باستايدى. سوندىقتان دا, 130-باپتى قىلمىستىق سيپاتتان الىپ تاستاۋ تۋرالى شەشىم وتە ماڭىزدى بولدى دەپ سانايمىن» دەدى ارمانجان بايتاسوۆ.