ۇلتتىق قوعامدىق كەڭەستىڭ ەكىنشى وتىرىسىندا مەملەكەت باسشىسى قاسىم-جومارت توقاەۆ پارلامەنتتىك وپپوزيتسيا ينستيتۋتى قاجەت ەكەنىن اتاپ ءوتتى.
- ءبىز جاڭا قوعامدىق پاراديگمانىڭ باستى شارتى – بالاما كوزقاراستار مەن پىكىرلەر ەكەنىن تۇسىنۋىمىز كەرەك. سوڭعى جىلدارى ءوز ۇستانىمدارىن اشىق ءبىلدىرىپ جۇرگەن بەلسەندى ازاماتتار بىرقاتار الەۋمەتتىك-ەكونوميكالىق ماسەلەلەردى شەشۋگە اتسالىستى. ءبىز بالاما پىكىرلەر مەن قوعامدىق تالقىلاۋ توقىراۋدىڭ باستاۋى ەمەس, كەرىسىنشە, دامۋدىڭ باستى تالاپتارىنىڭ بىرى ەكەنىنە كوز جەتكىزدىك. سوندىقتان, پارلامەنتتەگى ساياسي ازشىلىقتىڭ نەگىزىن زاڭ جۇزىندە بەكىتۋ قاجەت. بۇل ءۇشىن «پارلامەنت تۋرالى» زاڭدى ساياسي ازشىلىققا كەپىلدىك بەرەتىن نورمالارمەن تولىقتىرۋ قاجەت. مىسالى, باسقا دا پارتيالاردىڭ وكىلدەرى پارلامەنتتەگى كەيبىر كوميتەتتەردىڭ توراعاسى لاۋازىمدارىن يەلەنە الاتىنداي جاعداي جاساۋ كەرەك, - دەدى پرەزيدەنت.
ونىڭ ايتۋىنشا, بۇل بيلىكتىڭ زاڭ شىعارۋ تارماعىنداعى بالامالى قىزمەتتىڭ جۇيەلى جۇمىسىن قامتاماسىز ەتۋگە مۇمكىندىك بەرەدى.