بۇل تۋرالى پرەزيدەنت قاسىم-جومارت توقاەۆ ۇلتتىق قوعامدىق كەڭەستىڭ ەكىنشى وتىرىسىندا ايتتى.
- كەلەسى ماسەلە – ۇلتتىق ۆاليۋتا باعامىنىڭ تۇراقسىزدىعى. بۇل بىزدىڭ كاسىپكەرلەرىمىز بەن ازاماتتارىمىزدى الاڭداتىپ وتىرعان ماسەلە. مەنىڭ تاپسىرمام بويىنشا ۇلتتىق بانك باعام ساياساتىنىڭ اشىقتىعىن, سول ارقىلى وعان حالىقتىڭ سەنىمىن ارتتىراتىن تەتىكتەردى ازىرلەدى. ۇلتتىق بانك 2020 جىلدىڭ 1 قاڭتارىنان باستاپ ۇلتتىق قور ترانسفەرتتەرىنىڭ ۆاليۋتا نارىعىنداعى ايىرباسىن اي سايىن جانە توقسان سايىن جاريالاپ وتىرۋى ءتيىس. اقشا-نەسيە ساياساتىنىڭ ستراتەگياسى قابىلدانادى, - دەدى ق.توقاەۆ.