زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانادا ونەر جانە سپورت ادەبيەتتەرى ءبولىمىنىڭ ۇيىمداستىرۋىمەن كىتاپحانانىڭ جەكە قىزمەت كورسەتۋ بولىمىندە «بولاشاقققا باعدار: رۋحاني جاڭعىرۋ» باعدارلاماسى اياسىندا قازاقتىڭ بۇلب ۇلى بيبىگۇل تولەگەنوۆانىڭ 90 جىلدىق مەرەيتويىنا وراي ادەبي كەش ءوتتى. كەش بارىسىندا بيبىگۇل تولەگەنوۆانىڭ شىعارماشىلىعىنان دەرەكتى فيلم كورسەتىلدى.
سالتاناتتى كەشكە قۇرمانعازى اتىنداعى قازاق ۇلتتىق كونسەرۆاتورياسىنان دانا روسەلباەۆا جەتەكشىلىك ەتكەن شاكىرتتەرى كەلىپ, ونەر كورسەتتى.
كەش بارىسىندا قازاقتىڭ حالىق ءانى «گاۋحارتاس» پەن ل. ءحاميديدىڭ «بۇلبۇل» اندەرىن قۇرمانعازى اتىنداعى قازاق ۇلتتىق كونسەرۆاتورياسىنىڭ 2 كۋرس ستۋدەنتى, «ەرمەك سەركەباەۆ اتىنداعى قازاق ونەرى مەن مادەنيەتىن قولداۋ» قورىنىڭ وكىلى جانە ستيپەندياتى, بيبىگۇل تولەگەنوۆا اتىنداعى ح شى حالىقارالىق بايقاۋ جەڭىمپازى مادينا ورازباي ورىنداسا, حالىق ءانى «سۇرشاقىز», ا. گۋريلوۆتىڭ «ي سكۋچنو ي گرۋستنو» اندەرىن 2 كۋرس ستۋدەنتى, رەسپۋبليكالىق جانە حالىقارالىق كونكۋرستاردىڭ جەڭىمپازى جانداربەك ەركينباەۆ, ال ن. تىلەنديەۆتىڭ «اق شاعالا», د. كابالەۆسكي «ۆەسنا» اندەرىن 2 كۋرس ستۋدەنتى, رەسپۋبليكالىق وليمپيادالار مەن كونكۋرستاردىڭ لاۋرەاتى مەرۋەرت ءۋالي, ن. تىلەنديەۆتىڭ «جان ساۋلەم», س. راحمانينوۆتىڭ «كاك منە بولنو» اندەرىن 2 كۋرس ستۋدەنتى, رەسپۋبليكالىق جانە حالىقارالىق كونكۋرستاردىڭ لاۋرەاتى امانباي نۇرعالىم, ن. تىلەنديەۆتىڭ «قارلىعاش تۋرالى ءان», م. تولەباەۆتىڭ «باقىت ءۆالسى» اندەرىن قۇرمانعازى اتىنداعى 2 كۋرس ستۋدەنتى, رەسپۋبليكالىق جانە حالىقارالىق كونكۋرستاردىڭ لاۋرەاتى ابرەيم ازيزا ورىنداپ, وقىرمانداردىڭ ىقىلاسىنا بولەندى.
مەرەكەلىك كەشىندە كىتاپحانا ديرەكتورى اسحات بايۇزاقوۆ كەلگەن قوناقتارعا العىس بىلدىرە وتىرىپ, بيبىگۇلدەي قازاقتىڭ ءانشى قىزىنىڭ عاجايىپ اندەرىن ورىنداعان قۇرمانعازى اتىنداعى قازاق ۇلتتىق كونسەرۆاتورياسىنىڭ ۇجىمىنا, انشىلەرىنە ۇلكەن العىسىن ءبىلدىرىپ, ونەرپازدارعا كىتاپحانا اتىنان العىس حات تابىس ەتتى.
ونەر جانە سپورت ادەبيەتتەرى ءبولىمىنىڭ قىزمەتكەرى نازىم مومبەكوۆانىڭ ايتۋىنشا, كىتاپحانا وقىرماندارىن وسىنداي ادەمى كەشتەرمەن قۋانتىپ وتىرۋ داستۇرگە اينالعان. اينالاسىنان مەيىرىمدىلىك پەن قامقورلىقتى كۇتەتىن زاعيپ جاندار ءۇشىن كىتاپحاناداعى ءاربىر شارا قۋانىش پەن شاتتىق سىيلايدى.