يندۋستريا جانە ينفراقۇرىلىمدىق دامۋ مينيسترلىگى اعىمداعى جىلى ساۋدا ماقساتىندا تەڭىزدە ءجۇزۋ سالاسىنداعى مەملەكەتتىك قىزمەتتەردى وڭتايلاندىرۋ بويىنشا ءبىرشاما جۇمىستار جۇرگىزدى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.
اتاپ ايتقاندا, مەملەكەتتىك كەمە جانە بەربوۋت-چارتەر تىزىلىمدەرىندە تەڭىز كەمەلەرىن مەملەكەتتىك تىركەۋ ەندى «ەلەكتروندىق ليتسەنزيالاۋ» پورتالى ارقىلى جۇزەگە اسىرىلادى. ەندىگى كەزەكتە بۇل قىزمەتتەردى كورسەتۋ مەرزىمىن 5 ەسەگە, ياعني 10 جۇمىس كۇنىنەن 2 جۇمىس كۇنىنە دەيىن قىسقارتۋ جوسپارلانىپ وتىر. تىركەۋگە قاجەتتى قۇجاتتار سانى دا ەلەۋلى تۇردە ازايادى.
تەڭىز كەمەلەرى يپوتەكاسىن تىركەۋ بويىنشا مەملەكەتتىك قىزمەت ەلەكتروندىق نىسانعا اۋىستىرۋ ارقىلى وڭتايلاندىرىلدى. «ەلەكتروندىق ۇكىمەت» پورتالىندا كورسەتىلەتىن قىزمەتتى الۋشى مالىمەتتەر نىسانىن تولتىرادى, تولەم ءشليۋزى ارقىلى مەملەكەتتىك باج تولەيدى جانە كەمەنىڭ يپوتەكاسى تۋرالى سكانەرلەنگەن شارتتى تىركەيدى. قازىرگى ۋاقىتتا بۇل قىزمەت ءتۇرى ءبىر جۇمىس كۇنى ىشىندە كورسەتىلەدى.
تەڭىز كەمەلەرىن حالىقارالىق كەمە تىزىلىمىندە جانە سالىنىپ جاتقان كەمەلەر تىزىلىمىندە تىركەۋ بويىنشا مەملەكەتتىك قىزمەتتەر دە اۆتوماتتاندىرىلادى. ناتيجەسىندە قىزمەت كورسەتۋ مەرزىمى 10 جۇمىس كۇنىنەن 2 جۇمىس كۇنىنە دەيىن ازايىپ, قۇجاتتار سانى ورتا ەسەپپەن 40 پايىزعا قىسقارادى.
سونىمەن قاتار تەڭىزدە ءجۇزۋ كىتاپشاسىن الۋعا ءوتىنىم بەرۋ ساندىق فورماتقا اۋىستىرىلىپ, ناتيجەسى «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى بەرىلدى. تەڭىزدە ءجۇزۋ كىتاپشاسىن الۋ ءۇشىن ەندى پورتالدا ءوزىنىڭ ساندىق فوتوسۋرەتىن تىركەپ, اتالعان كىتاپتى الۋعا بولاتىن وزىنە ىڭعايلى حالىققا قىزمەت كورسەتۋ ورتالىعىن كورسەتسە جەتكىلىكتى.
سونىمەن قاتار «ۇيىمداردى جانە سىناق زەرتحانالارىن تەحنيكالىق كۋالاندىرۋدى جۇرگىزۋ» مەملەكەتتىك قىزمەتىن وڭتايلاندىرۋ بويىنشا جۇمىستار جۇرگىزىلىپ جاتىر. ونى كورسەتۋ پروتسەسى قازىرگى ۋاقىتتا اۆتوماتتاندىرىلۋدا. مەرزىمى 30 كۇنتىزبەلىك كۇننەن 10 جۇمىس كۇنىنە دەيىن قىسقارادى جانە قىزمەتتى الۋ ءۇشىن بەلگىلەنگەن نىسان بويىنشا ءوتىنىم بەرۋ جەتكىلىكتى.