ءوندىرىسى وركەن جايعان اقتوبە ايماعىندا توعىز جۇزگە جۋىق شەتەلدىك كومپانيا تىركەلگەن. ءوڭىر ەكونوميكاسىنىڭ كوكجيەگىن كوتەرۋگە وسىنشاما شەتەلدىك كاپيتالدىڭ قاتىسۋى سالىقتىق بازانىڭ ۇلعايا تۇسۋىنە وڭ اسەرىن تيگىزۋدە.
سوڭعى كەزدەرى شەتەلدىك ينۆەستيتسيالار تارتۋ كولەمى جونىنەن اقتوبە وبلىسى ەل وڭىرلەرى اراسىندا الدىڭعى ورىنعا شىققان بولسا, بۇعان جوعارىدا ايتىلعانداي جاعىمدى فاكتوردىڭ دا ىقپالى بولعانى انىق.
اقتوبەلىك اتقارۋشى ورگاندار سوناۋ جەر تۇبىندەگى يتاليا مەملەكەتىمەن دە تىعىز قارىم-قاتىناس ورناتقان. مۇنىڭ باستى كورىنىسى بۇل ايماقتا قولدىڭ بەس ساۋساعىنداي بەس يتالياندىق كومپانيانىڭ قىزمەت جاساپ جۇرگەندىگى. مۇنداي ەكى جاقتى بايلانىستاردىڭ ناتيجەسى ەكى جاقتاعى تاۋار اينالىمىنىڭ وسۋىنە دە العىشارت قالادى. بيىلعى 2019 جىلدىڭ ون ايىنىڭ قورىتىندىسى بويىنشا ونىڭ كولەمى 130 ميلليونعا جۋىق اقش دوللارىن قۇرادى.
ارينە مۇنىڭ مۇمكىندىك شەگى دەي الماس ەدىك. سوندىقتان دا يتاليانىڭ قازاقستانداعى توتەنشە جانە وكىلەتتى ەلشىسى پاسكۋالە د'اۆينو مەن اقتوبە وبلىسىنىڭ اكىمى وڭداسىن ءورازاليننىڭ كەزدەسۋى كەزىندە ەكى جاقتى بايلانىستاردى ودان ءارى تەرەڭدەتۋ. ءارى قارجىلىق-ەكونوميكالىق تۇرعىدان وزگە گۋممانيتارلىق-مادەني سالالاردا دا ساپالىق وزگەرىستەر جاساۋ جونىندە ۇيعارىمدار جاسالدى.
اقتوبە