مىڭداعان اقتوبەلىكتەر ەڭبەك جانە حالىقتى الەۋمەتتىك قورعاۋ مينيسترلىگى «قازپوچتا» اق جانە اقتوبە قالاسىنىڭ اكىمدىگىمەن بىرلەسىپ جۇزەگە اسىراتىن «ازاماتتىڭ الەۋمەتتىك كارتاسى» جوباسى بويىنشا جەڭىلدەتىلگەن الەۋمەتتىك قىزمەتتەر الدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.
بۇگىنگى كۇنى الەۋمەتتىك كارتالار 25 مىڭنان استام قالا تۇرعىنىنا, ونىڭ ىشىندە مەكتەپ وقۋشىلارىنا بەرىلدى. ولار الەۋمەتتىك تولەمدەر الۋعا, قوعامدىق كولىكتەردە جول ءجۇرۋ جانە مەكتەپتە تاماقتانۋ اقىسىن تولەۋگە ارنالعان. تولەم كەزىندە يەسىنىڭ جەڭىلدىك ساناتى ەسكەرىلەدى.
سونىمەن قاتار جوبانى ىسكە اسىرۋ كەزەڭىندە كارتا ۇستاۋشىلارى 16 مىڭنان استام ترانزاكتسيا جاسادى. بۇل اقشا قاراجاتىن قولما-قول اقشاعا اينالدىرۋ, قوعامدىق كولىكتە ءجۇرۋ, مەكتەپتەردە تاماقتانۋ جانە باسقا دا تولەمدەر ءۇشىن قولما-قول اقشاسىز ەسەپ ايىرىسۋ.
ەستەرىڭىزگە سالا كەتەيىك, «ازاماتتىڭ الەۋمەتتىك كارتاسى» جوباسى پيلوتتىق رەجيمدە 2019 جىلى 1 شىلدەدە اقتوبە قالاسىندا ىسكە قوسىلدى. ودان ءارى جوبانى كەڭ اۋقىمدا نۇر-سۇلتان جانە قاراعاندى قالالارىندا باستادى.