الماتى قالاسىنىڭ سىبايلاس جەمقورلىققا قارسى قىزمەتى «اۋىر اتلەتيكادان وليمپيادالىق دايارلاۋ ورتالىعى» رمقك باسشىسى مەن وسى كاسىپورىننىڭ باس ەسەپشىسى پارا الدى دەگەن كۇدىكپەن سوتقا دەيىنگى تەرگەۋدى باستادى.
- ولار الدىن الا ءسوز بايلاسىپ, جامبىل وبلىسىندا وقۋ-جاتتىعۋ جيىندارىن وتكىزۋ بويىنشا مەملەكەتتىك ساتىپ الۋ تۋرالى جاسالعان كەلىسىم-شارتقا سىياقى رەتىندە كاسىپكەردەن 6 ملن 625 مىڭ تەڭگە كولەمىندە پارا الدى دەپ كۇدىكتەلۋدە. بيىلعى جىلدىڭ 17 جەلتوقسانىنا اتالعان تۇلعالار ۇستالىپ, الماتى قالاسى ءىىد ۋۇي-ىنا قامالدى, بۇلتارتپاۋ شاراسىن تاڭداۋ ماسەلەسى شەشىلۋدە. سوتقا دەيىنگى تەرگەۋ جالعاسۋدا. كۇدىكتىلەرگە قاتىستى ولاردىڭ كىنالىلىك دارەجەسىن انىقتاۋمەن تۇپكىلىكتى شەشىمدى سوت شىعارادى, - دەلىنگەن حابارلامادا.