الماتىدا تۇڭعىش پرەزيدەنت ساياباعىندا, 28 گۆاردياشى-پانفيلوۆشىلار اتىنداعى ساياباق پەن ناۋرىزباي اۋدانى اكىمدىگىنىڭ الدىندا تەگىن مۇز ايدىندارى اشىلدى. بۇل تۋرالى الماتى قالاسىنىڭ اكىمى باقىتجان ساعىنتاەۆ Instagram-داعى پاراقشاسىندا جازدى.
«الماتىلىقتار تۇڭعىش پرەزيدەنت ساياباعىندا, 28 گۆاردياشى-پانفيلوۆشىلار اتىنداعى ساياباق پەن ناۋرىزباي اۋدانى اكىمدىگىنىڭ الدىندا اشىلعان تەگىن مۇز ايدىندارىندا بولدى. تۇركسىب اۋدانىنداعى «MART» ساۋدا ءۇيىنىڭ الدىندا تاعى ءبىر مۇز ايدىنى اشىلادى. سىرعاناۋ الاڭدارىنىڭ جالپى اۋماعى - شامامەن 12 مىڭ م². بۇل - مەدەۋ مۇز ايدىنىنداعى مۇزدىڭ بەتىنە قاراعاندا 1,5 مىڭ م² ارتىق», دەپ جازدى باقىتجان ساعىنتاەۆ Instagram-داعى پاراقشاسىندا.
قالا اكىمىنىڭ ايتۋىنشا, مۇز ارنايى سالقىنداتقىش ماشينالاردىڭ كومەگىمەن قالپىن ساقتاپ تۇرادى. سول سەبەپتى الماتىنىڭ قۇبىلمالى اۋا رايى مۇزدىڭ ەرىپ كەتۋىنە كەدەرگى كەلتىرمەيدى. سىرعاناۋ الاڭدارى 10 ناۋرىزعا دەيىن جۇمىس ىستەيتىن بولادى. مۇز ايدىنىندا ساعات 10:30-دان 23-گە دەيىن جالعا بەرۋ پۋنكتتەرى جۇمىس ىستەيدى.
«كوپ ۋاقىتىڭىزدى بالالار مەن وتباسىڭىزعا, دوستارىڭىزبەن جاقىندارىڭىزعا بولگەنىڭىز ابزال. اينالاڭىزعا كوڭىلدى كوڭىل-كۇي سىيلاي ءبىلىڭىز. جاڭا جىلدىق كوڭىل-كۇي كوتەرىڭكى بولسىن», دەلىنگەن جازبادا.