ايماقتا 2015 – 2017 جىل ارالىعندا 327 بالا تۇرعىن ۇيمەن قامتىلعان. ال سوڭعى ەكى جىل كولەمىندە 64 پاتەر ءبولىنىپتى.
جالپى وبلىستا اتا-انا قامقورلىعىنسىز قالعان 2810 بالا بار. ونىڭ ىشىندە, 2267 بالا قامقورلىق قورعانىندا, 110 بالا پاترونات تاربيەسىندە, 56 بالا وتباسى ۇلگىسىندەگى بالالار ۇيىندە ءوسىپ جاتىر. ال 21 بالانى جەكە وتباسىلار اسىراپ العان. سونداي-اق, 356 بالا الەۋمەتتىك باعىتتاعى ينتەرناتتاردا تاربيە الۋدا.
ال وسى تىزىمدەگى 60 بالانىڭ جەكەمەنشىك ۇيگە قاقىلى, تاعى 197 بالانىڭ ءۇي يەلەنۋگە ۇلەستىك قۇقى بار ەكەن. 2750 بالا تۇرعىن ۇيگە مۇقتاج بولسا, مەملەكەتتىك باسپانا قورىنان ءۇي الۋ كەزەگىندە 2606 جەتىم بالا كەزەكتە تۇر. بيىل 115 بالانىڭ قۇجاتى قارالىپ, ولاردىڭ جيىرما بەسى كەرى قايتارىلعان ەكەن.