قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدىگىنە كانديداتتاردى تىركەۋ اياقتالعانى تۋرالى ورتالىق سايلاۋ كوميسسياسىنىڭ ءباسپاسوز قىزمەتى حابارلادى.
24 شىلدەدە قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدىگىنە كانديداتتاردى ۇسىنۋ اياقتالدى.
اۋداندىق جانە قالالىق اۋماقتىق سايلاۋ كوميسسيالارىنىڭ ۇسىنعان دەرەكتەرىنە سايكەس, رەسپۋبليكا بويىنشا ۇسىنىلعان 7173 ۇمىتكەردەن اكىمدىككە كانديداتتار رەتىندە 7018 ادام تىركەلدى.
سايلاۋ ناۋقانىنا قاتىسقان كانديداتتاردىڭ ساپالىق قۇرامىندا تۇبەگەيلى وزگەرىستەر بولعان جوق.
ۇسىنۋ اياقتالعاننان كەيىن 46 كانديدات جەكە وتىنىشتەرى بويىنشا ءوز كانديداتۋرالارىن الىپ تاستادى.
اۋماقتىق سايلاۋ كوميسسيالارىنىڭ شەشىمى بويىنشا 55 كانديداتتى تىركەۋدەن باس تارتىلدى. تىركەۋدەن باس تارتۋدىڭ نەگىزگى سەبەبى اتالعان كانديداتتاردىڭ 2013 جىلعى 24 ساۋىردە قازاقستان رەسپۋبليكاسى پرەزيدەنتىنىڭ جارلىعىمەن بەكىتىلگەن اكىمدەردى سايلاۋ قاعيدالارىنىڭ تالاپتارىنا سايكەس كەلمەيتىندىگى بولىپ تابىلدى.
تىركەۋدەن كەيىن 51 كانديدات شىعىپ قالدى. ولاردىڭ 15-ءى ءوز كانديداتۋرالارىن جەكە ءوتىنىشتەرى بويىنشا الىپ تاستادى. 36 كانديدات اۋماقتىق سايلاۋ كوميسسيالارىنىڭ شەشىمى بويىنشا ولاردىڭ كىرىس جانە م ۇلىك تۋرالى ۇسىنعان مالىمەتتەرىنىڭ سايكەس ەمەستىگىن سالىق ورگاندارىنىڭ انىقتاۋىنا بايلانىستى الىنىپ تاستالدى.
قازىرگى ۋاقىتتا بارلىق ءتىركەلگەن كانديداتتار سايلاۋ الدىنداعى ۇگىتكە كىرىسۋگە قۇقىلى.
ول تاڭداۋشىلارمەن جينالىستار مەن كەزدەسۋلەر وتكىزۋ, سونداي-اق باسپا جانە وزگە دە ۇگىت ماتەريالدارىن شىعارۋ جانە تاراتۋ ارقىلى جۇزەگە اسىرىلادى.
ءاربىر كانديدات وزىنە سايلاۋ ناۋقانىن جانە سايلاۋ الدىنداعى ۇگىتتى جۇرگىزۋگە كومەكتەسەتىن سانى بەسەۋدەن اسپايتىن سەنىم بىلدىرىلگەن ادامدارى بولۋىنا قۇقىلى.
ءماسليحات دەپۋتاتى, سايلاۋ كوميسسياسىنىڭ مۇشەسى نەمەسە ساياسي مەملەكەتتىك قىزمەتشى بولىپ تابىلمايتىن قازاقستان رەسپۋبليكاسىنىڭ ازاماتى كانديداتتىڭ سەنىم بىلدىرىلگەن ادامى بولا الادى.
كانديداتتىڭ سەنىم بىلدىرىلگەن ادامدارى اۋداندىق (قالالىق) سايلاۋ كوميسسياسىندا تىركەلۋى جانە ءتيىستى قۇجاتتارى بولۋى قاجەت.
كانديداتتارعا بيۋدجەتتەن بولىنەتىن قاراجاتتان باسقا, ولاردىڭ ارقايسىسى ۇگىت ناۋقانىن بەلگىلەنگەن تارتىپپەن قۇرىلعان ءوز سايلاۋ قورى قاراجاتىنان قارجىلاندىرۋعا قۇقىلى.
كانديداتتىڭ سايلاۋ قورىنىڭ مولشەرى 1 399 500 تەڭگەدەن اسپاۋى قاجەت.
قاعيدالارعا سايكەس, سايلاۋ الدىنداعى ۇگىت جەرگىلىكتى ۋاقىت بويىنشا سايلاۋ قارساڭىنداعى كۇنى ءنول ساعاتتا اياقتالادى.
«ەگەمەن-اقپارات».