ۇلتتىق كىتاپحانادا قازاقستاننىڭ حالىق جازۋشىسى, كورنەكتى مەملەكەت جانە قوعام قايراتكەرى ءابىش كەكىلباەۆتى ەسكە الۋ كەشى ءوتتى.
ەسكە الۋ شاراسى اياسىندا جازۋشىنىڭ 80 جىلدىعىنا وراي قايراتكەردىڭ ءومىرى مەن قىزمەتىنە ارنالعان ۇلتتىق كىتاپحانا دايىنداعان بيبليوگرافيالىق كورسەتكىش جانە «ارىس» باسپاسىنان شىققان ەنتسيكلوپەديانىڭ تانىستىرىلىمى ءوتتى.
شارانى ۇلتتىق كىتاپحانانىڭ عىلىمي حاتشىسى, قازاقستان جازۋشىلار وداعىنىڭ مۇشەسى بولات جۇنىسبەكوۆ اشىپ, ءسوز كەزەگىن مودەراتور – قازاقستان رەسپۋبليكاسى باسپا جانە پوليگرافيا ءىسىنىڭ قايراتكەرى, فيلولوگيا عىلىمدارىنىڭ كانديداتى, قازاقستان حالىقتارى اسسامبلەياسىنىڭ مۇشەسى, باسپاگەر, عالىم عاريفوللا انەسكە بەردى.
قازاقستاننىڭ ەڭبەك سىڭىرگەن جاتتىقتىرۋشىسى ءامين تۇياقوۆ, فيلولوگيا عىلىمدارىنىڭ دوكتورى, قر ۇلتتىق عىلىم اكادەمياسىنىڭ اكادەميگى, عالىم, پروفەسسور ومىرزاق ايتباەۆ, تاريحشى, تاريح عىلىمدارىنىڭ كانديداتى سامات وتەنيازەۆ, فيلولوگيا عىلىمدارىنىڭ دوكتورى, سىنشى, عالىم دانداي ىسقاق, قوعام قايراتكەرى, اقىن تەمىرحان مەدەتبەك جانە تاعى باسقا زيالى قاۋىم وكىلدەرى ءابىش كەكىلباەۆ تۋرالى ەستەلىكتەرىن ايتىپ, جىلى لەبىزدەرىمەن ءبولىستى.
شارا اياسىندا قر ۇلتتىق كىتاپحاناسى قورىنان ءابىش كەكىلباەۆتىڭ ءومىرى مەن شىعارماشىلىعىنا ارنالعان كىتاپ كورمەسى ۇيىمداستىرىلدى.
الماتى