مەملەكەت باسشىسى نۇرسۇلتان نازارباەۆ يسپانيا كورولى حۋان كارلوس I-گە گاليسيا پروۆينتسياسىندا بولعان تەمىر جول اپاتىنا بايلانىستى كوڭىل ايتۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
قازاقستان پرەزيدەنتى كوپ ادامنىڭ قازاسىنا اكەلىپ سوقتىرعان سانتياگو-دە-كومپوستەلا قالاسى ماڭىندا بولعان تەمىر جول اپاتى تۋرالى جايسىز حاباردى تەرەڭ كۇيزەلىسپەن قابىلداعانىن, سونداي-اق جەكە ءوزىنىڭ جانە قازاقستان حالقىنىڭ اتىنان قايعىرىپ كوڭىل ايتاتىنىن جەتكىزگەن.
«وسى قيىن ساتتە, قىمباتتى دوسىم, قازا تاپقان جانە زارداپ شەككەن جانداردىڭ تۋعان-تۋىستارى مەن جاقىندارىنا مەنىڭ كوڭىل ايتۋىمدى جانە قولداۋىمدى جەتكىزۋىڭىزدى سۇرايمىن», – دەلىنگەن جەدەلحاتتا.