تۇركيادا تويلاندى

سونىمەن قاتار شاراعا تۇركيا پرە­زيدەنتى باس كەڭەسشىسى يالچىن توپچۋ, كولىك ۆيتسە-مينيسترلەرى ءو.فاتيح سايان جانە س.دۋرسۋن, وتباسى, ەڭبەك جانە الەۋمەتتىك قىزمەتتەر ۆيتسە-ءمي­نيسترى ايشە ەرگەزەن, ەنەرگەتيكا جانە تابيعي رەسۋرستار ۆيتسە-ءمينيسترى الپارسلان بايراكتار, ساۋدا ۆيتسە-ءمينيسترى سەزاي ۋچارماك, انكارا گۋبەرناتورى ۆاسيپ شاحين, ەسكيشەحير گۋبەرناتورى وزدەمير چاكادجاك, انكارا مەرى مانسۋر ياۆاش, بۇرىنعى ءماجىلىس توراعاسى دجەميل چيچەك, قازاقستان-تۇركيا پارلامەنتارالىق دوستىق توبى توراعاسى, مەحمەت الي دجەۆحەري, تۇركيا ءماجىلىسى دەپۋتاتتارى, بىرقاتار ۋنيۆەرسيتەت رەكتورلارى, اۋدان اكىمدەرى, پارتيالار باسشىلارى, بۇرىنعى مينيسترلەر, ەلشىلەر, حالىقارالىق ۇيىم باسشىلارى, تۇركى كەڭەسى باس حاتشىسى باعدات امىرەەۆ, قازاقستاننىڭ قۇرمەتتى كونسۋلدارى, ينۆەستورلار, ديپلوماتيالىق ميسسيا, زيالى قاۋىم, ىسكەر توپ, دياسپورا مەن باق وكىلدەرى, قازاقستاندىق تالىمگەرلەر جانە قوناقتار قاتىستى.

القالى قابىلداۋدىڭ بەتاشار ءسوزىن سويلەگەن قازاقستاننىڭ تۇركيا­داعى ەلشىسى ابزال ساپار­بەك­ ۇلى تاۋەلسىزدىك كۇنىمەن جينال­عان قاۋىمدى قۇتتىقتادى. ەگەمەن­دىگى­مىز­دىڭ 28 جىلدىعىندا قازاقستاننىڭ جەت­­كەن جەتىستىكتەرىنە توقتالعان ا.سا­پار­بەك ۇلى باۋىرلاس تۇركيانىڭ ءاردا­يىم كورسەتكەن قولداۋىن اتاپ ءوتتى. ەلى­مىزدەگى ساياسي رەفورمالاردى تىلگە تيەك ەتكەن قازاقستان ەلشىسى ەل­باسى ن.نازارباەۆقا تۇركيا پرەزي­دەنتى ر.ەردوعاننىڭ باستاماسىمەن تۇركى كەڭەسى قۇرمەتتى توراعاسى اتاعى بەرىلگەندىگىن ەسكە سالدى. پرەزي­دەنتى­مىز ق.توقاەۆتىڭ قوعامنىڭ دەمو­كرا­­تيالىق قۇقىقتارى مەن قاۋىپسىز­دىگىن ساقتاۋ, حالىقپەن ءتيىمدى كەرى باي­لانىس ورناتۋ, ساياسي رەفورمالار, ۇلت­تىق كودتى قالىپتاستىرۋ جۇمىس­تارىن جالعاستىرۋ, كوپۆەكتورلى جانە تەڭگەرىمدى سىرتقى ساياسات جانە جاستاردى بيلىككە تارتۋ سەكىلدى ساياسي باسىمدىقتارىنا نازار اۋداردى.

ايتۋلى كەشتىڭ اشىلۋ سالتاناتىندا ءسوز سويلەگەن تۇۇم توراعا­سى مۇس­تافا شەنتوپ «تۇركيا قازاق­ستاننىڭ تاۋەلسىزدىگىن مويىنداعان العاشقى مەملەكەت بولعانىن ءاردايىم ماقتان تۇتادى. ەلدەرىمىز اراسىنداعى قارىم-قاتىناس ءبىز ءۇشىن وتە ماڭىزدى. العا قويىلعان 10 ملرد دوللارلىق ساۋدا اينالىمى مەجەسىنە جەتۋ ءۇشىن قىرۋار جۇمىس اتقارىلۋدا. قازاق­ستاننىڭ قۋانىشى ءبىزدىڭ دە قۋانىشىمىز», دەدى.

سونداي-اق القالى كەشتە تۇۇم تور­­اعاسى م.شەنتوپ ەلشى ا.ساپار­بە­ك­ ۇلىنا ەلباسى نۇرسۇلتان نازار­باەۆ اتىنا تۇركى الەمى جازۋشىلار جا­نە ونەرپازدار قورى Türksav اتىنان 1919 ج. 19 مامىردا اتاتۇرىك باستاعان ۇلت­­ا­زات­­تىق سوعىستىڭ 100 جىلدىعى قۇر­­مەتى­نە تاعايىندالعان «19 مامىر تۇركى الەمى جاڭعىرىلۋى» ماراپاتىن تابىستادى.

ايتا كەتەلىك Türksav قورى تۇركى الەمىنىڭ ادەبيەت جانە ونەر سالا­لارىن­داعى ىنتىماقتاستىعىن ارت­تىرۋعا باعىتتالعان جۇمىستار جۇر­گىزۋدە. بۇدان بۇرىن Türksav ەلباسى نازارباەۆقا «تۇركى الەمىنە قىزمەت سىيلىعىن» بەرگەن بولاتىن.