ماجىلىستە پرەزيدەنت جارلىعىمەن مەملەكەتتىك ماراپاتتاردى تاپسىرۋ ءراسىمى ءوتتى. پالاتا توراعاسى نۇرلان نىعماتۋلين مەملەكەت باسشىسىنىڭ اتىنان دەپۋتاتتارعا جانە اپپارات قىزمەتكەرلەرىنە مەملەكەتتىك ناگرادالاردى تاپسىردى.
تاۋەلسىزدىك تابىستارىنا دەپۋتاتتىق كورپۋستىڭ دا قوسقان ۇلەسى زور. مەملەكەتتىك جانە قوعامدىق قىزمەتى ءۇشىن, ەلىمىزدىڭ الەۋمەتتىك-ەكونوميكالىق جانە مادەني دامۋىنا, حالىقتار اراسىنداعى ىنتىماقتاستىق پەن دوستىقتى نىعايتۋعا قوسقان ەلەۋلى ۇلەسى ءۇشىن ءماجىلىس دەپۋتاتتارى اسقار بازارباەۆ پەن گلەب ششەگەلسكي «پاراسات» وردەنىنە, ءماجىلىس اپپاراتى باسشىسىنىڭ ورىنباسارى دارحان مەدەۋباي «قۇرمەت» وردەنىنە يە بولدى. ال «ەرەن ەڭبەگى ءۇشىن» مەملەكەتتىك مەدالى ءماجىلىس دەپۋتاتتارى يۆان كليمەنكوعا, مانسۋرحان ماحامبەتوۆكە, تاراس حيتۋوۆقا, پەتر شاراپاەۆقا تابىس ەتىلدى. قازاقستان رەسپۋبليكاسىنىڭ قۇرمەت گراموتاسى اپپارات قىزمەتكەرلەرى اسقار جاقىپوۆقا, مارات سادىقوۆقا جانە ايناش تاشىموۆاعا بەرىلدى. ءماجىلىس توراعاسى سونداي-اق ءماجىلىس دەپۋتاتتارىنا تمد پارلامەنتارالىق اسسامبلەياسىنىڭ جانە ەقىۇ پارلامەنتتىك اسسامبلەياسىنىڭ ناگرادالارىن تابىس ەتتى, دەپ حابارلادى پارلامەنت ءماجىلىسىنىڭ ءباسپاسوز قىزمەتى.