ەل كولەمىندە ءوتىپ جاتقان «قۇقىق ءتارتىبى» ارنايى شاراسىنىڭ ناتيجەسىندە الماتى وبلىسىنىڭ اۋماعىندا كوشى-قون ەرەجەسىن ورەسكەل بۇزعان ادامدار انىقتالدى. ولاردىڭ قاتارىندا 92 شەتەل ازاماتى بار.
- قازىرگى كۇنى ەلىمىزدىڭ ميگراتسيا زاڭىنا قايشى ارەكەت جاساعان شەتەل ازاماتتارىنىڭ كىناسى دالەلدەندى. جەكە باسىن كۋالەندىرەتىن قۇجاتى جوق 34 ادام ارنايى ۇستاۋ ورىنىنا قامالدى, 11 ادام مەملەكەتتىك شەكارادان شىعارىلدى. جالپى, «قۇقىق ءتارتىبى» ارنايى شاراسىنىڭ اياسىندا وبلىس اۋماعىندا قۇجات ءتارتىبىن بۇزعان سەگىز ەفيوپيا مەن سومالي ەلىنىڭ ازاماتى, 2 تۇركيالىق جانە 29 وزبەكستاندىق انىقتالدى, - دەدى وبلىستىق پوليتسيا دەپارتامەنتىنىڭ وكىلى سەرىك ۇپيەۆ.
ايتپاقشى, بيىل جەتىسۋعا زاڭسىز جولمەن كەلگەن 1157 سىرت ەل ازاماتىنىڭ ءجۇرىپ-تۇرۋىنا شەكتەۋ قويىلعان ەكەن. سونداي-اق ۆيزا ەرەجەسىن بۇزعان 9,5 مىڭ شەتەلدىك انىقتالىپتى. جالپى, الماتى وبلىسىنا كەلەتىن شەتەلدىكتەر اعىنى جىلدان جىلعا كوبەيىپ وتىر. بيىل بۇل كورسەتكىش بۇرناعىدان 10,2 پروتسەنتكە ءوسىپ, كەلۋشىلەر سانى 251 752 ادامعا جەتىپتى.
الماتى وبلىسى