سارسەنبى كۇنى يسپانيادا ءىرى تەمىرجول اپاتى ورىن الدى. بۇل تۋرالى يتار-تاسس حابارلاپ وتىر.
يسپانيا استاناسى مادريدتەن ەلدىڭ سولتۇستىك شىعىسىندا ورنالاسقان فەررول قالاسىنا باعىت العان جولاۋشىلار پويىزى گاليسيا سانتياگو-دە-كومپوستەلا اكىمشىلىك ورتالىعىنىڭ ستانساسىنا جەتە بەرگەندە بەلگىسىز جاعدايلارمەن رەلستەن شىعىپ كەتكەن. بىرنەشە ۆاگون اۋدارىلىپ, ونىڭ بىرىنەن ءورت شىققان. اپات سالدارىنان 80 ادام قازا تاۋىپ, 178 جولاۋشى جاراقات الدى.
اپاتتىڭ ورىن الۋ سەبەبى انىقتالىپ, پويىز ءماشينيسى 52 جاسار فرانسيسكو حوسە گارسون ءدال اۋرۋحانانىڭ ىشىندە تۇتقىنعا الىندى. ويتكەنى ول قاۋىپتى بۇرىلىستان ەكى ەسە جوعارى جىلدامدىقپەن وتۋگە شەشىم قابىلداعان كورىنەدى. قاتە شەشىمنىڭ ناتيجەسىندە پويىز رەلستەن شىعىپ كەتىپ قابىرعاعا سوعىلعان.
ايدار ورىسباەۆ.